site
stats
پاکستان

کراچی بلدیاتی انتخابات، پی ٹی آئی، جماعت کو بدترین شکست ، ایم کیوایم بازی لے گئی

کراچی : شہرِ قائد کے چھ اضلاع میں جمہوری دور کے پہلے جماعتی بنیادوں پر بلدیاتی انتخابات کا دنگل متحدہ قومی موومنٹ کے نام رہا، ایم کیوایم کو میئرشپ کیلئے مطلوبہ اکثریت حاصل ہوگئی۔

شہر قائد میں بلدیاتی الیکشن کا معرکہ متحدہ قومی موومنٹ کے نام رہا، پتنگ نے ایسی اڑان بھری کہ سب دیکھتے ہی رہ گئے،

غیر حتمی غیر سرکاری نتائج کے مطابق ایم کیوایم کے امیدواروں نے کراچی میں چیئرمین شپ کی 209نشستوں میں سے135پر کامیابی حاصل کی ۔

پیپلز پارٹی کراچی میں نسشتیں جیتنے کے اعتبار سے دوسرے نمبر پر رہی اور پی پی امیدواروں نے چیئرمین کی 19 نشستوں پر کامیابی حاصل کی۔

پاکستان تحریک انصاف تبدیلی تو نہ لاسکی اور چیئرمین کی صرف 6نشستوں پر ہی کامیابی حاصل کرسکی  ، مسلم لیگ ن نےچیئرمین کی 5 اورجماعت اسلامی نے4 سیٹیں حاصل کیں، جبکہ 9آزادامیدوار بھی چیئرمین کی نشستوں پرکامیاب ہوئے۔

متحدہ قومی موومنٹ سے کراچی کا میئر کون بنے گا، ایم کیوایم کے حلقے وسیم اختر کو ہاٹ فیورٹ قرار دے رہے ہیں ، ریحان ہاشمی اور ارشد وہرا کے نام بھی زیرگردش ہیں ، مگر ایم کیوایم آخری وقت میں بھی کوئی سرپرائز دے سکتی ہے۔

کراچی میں ایک میٹروپولیٹن کارپوریشن اور 6 اضلاع شرقی، غربی، وسطی، جنوبی، ملیر اور کورنگی کی ڈسٹرکٹ میونسپل کارپوریشنز کے لیے تقریباً ساڑھے 5 ہزار امیدواروں کے درمیان مقابلہ ہوا، بلدیاتی انتخابات میں 70 لاکھ 80 ہزار سے زائد ووٹرزنے اپنا حق رائے دہی استعمال کیا۔

چھ اضلاع میں بلدیاتی انتخابات کے لیے 4 ہزار 141 پولنگ اسٹیشنز قائم کیے گئے ہیں جن میں سے 234 کو نارمل، 2 ہزار 116 کو حساس جبکہ ایک ہزار 791 کو انتہائی حساس قرار دیا گیا تھا.

الیکشن کمیشن کی جانب سے رینجرز اور فوجی اہلکاروں کو کسی بھی پولنگ اسٹیشن میں داخل ہونے کا اختیار بھی دیا گیا ہے جبکہ پولنگ اسٹیشن میں موبائل فون لانا ممنوع تھا.

 


غیرحتمی غیر سرکاری نتائج


 


پارٹی پوزیشن


ایم کیوایم چئیرمین شپ کی دو سو سات میں سے ایک سو چھتیس نشستیں جیتنے کے بعد پہلے نمبر پر ہے۔

پاکستان پیپلزپارٹی نے مخالفین پر تیر تو چلائے لیکن صرف 19 نشستیں حاصل کرکے دوسرے نمبر پر رہی ۔

پاکستان مسلم لیگ ن کے شیر کی دھاڑ بھی کام نہ آئی اور صرف آٹھ نشستیں حاصل کرکے تیسرے نمبر پر رہی ۔
پی ٹی آئی صرف اتنی تبدیلی لاسکی کہ سات نشستیں حاصل کرکے چوتھے نمبر پر رہی

جماعت اسلامی صرف چھ نشستیں لے کر پانچویں پوزیشن پر آئی جبکہ دس نشستوں پر آزادامیدوار کامیاب ہوئے۔

کراچی کے میئر اور ڈپٹی میئر کے چناؤ کیلئے درکار سادہ اکثریت حاصل کرنے کیلئے ایک سو پانچ ووٹ درکار ہوں گے۔

 

 

 


وزیر اعلیٰ سندھ کی مبارکباد


وزیر اعلیٰ سندھ سید قائم علی شاہ نے متحدہ قومی مومنٹ کو کامیابی پر مبارکباد دی ، وزیر اعلیٰ سندھ  کا کہنا تھا کہ ہم متحدہ قومی موومنٹ کے مینڈیٹ کا احترام کرتے ہیں، سید قائم علی شاہ نے ایم کیو ایم کے اہم امیدوار وسیم اختر کو بھی جیت کی مبارکباد دی ۔

 


تحریک انصاف کی ایم کیو ایم کو مبارکباد


ایم کیو ایم کی کامیابی پر تحریک انصاف کے رہنما عارف علوی کی ایم کیو ایم کو مبارکباد۔

 

لیاری میں پیپلزپارٹی کا تیر چل گیا لیاری کے حلقے میں پاکستان پیپلز پارٹی نے 4 نششتوں پر مقابلہ جیت لیا۔ دوسری جانب لیاری میں ہی 4 آزاد میدواربھی کامیاب ہوئے ہیں۔

کراچی کی بڑی کامیابی

یوسی 11 ضلع ایسٹ سے ایم کیوایم کے اہم امیدوار وسیم اختر بھاری اکثریت سے کامیاب ہوگئے۔ایم کیوایم کے رہنما وسیم اختر کے مقابلے میں پاکستان پیپلز پارٹی ضلعی ایسٹ کے صدر ذوالفقار قائم خانی کو شکست کا سامنا رہا ۔

کراچی کا بڑا اپ سیٹ

 

یوسی 16 میں غیر حتمی غیر سرکاری نتائج کے مطابق پاکستان تحریک انصاف کراچی کے صدر علی زیدی کو شکست کا سامنا ہوا ہے ، ایم کیو ایم کے امیدوار نوشاد خان کو علی زیدی پر واضح برتری حاصل ہوگئی۔

یوسی 30 ساوتھ میں غیر حتمی غیر سرکاری نتائج کے مطابق پاکستان پیپلز پارٹی کراچی کے چیف نجمی عالم کو شکست کا سامنا ۔

یوسی 18 الفلاح سے غیر حتمی غیر سرکاری نتائج کے مطابق چیئرمین کے انتخاب میں جماعت اسلامی کے سینئر رہنما حافظ نعیم الرحمان متحدہ قومی مومنٹ کے امیدوار نے شکست دے دی ہے ۔ ایم کیو ایم کے امیدوار مظہر حسین نے 3100 ووٹ حاصل کئے جبکہ حافظ نعیم الرحمان نے صرف 720 ووٹ حاصل کئے۔

اے آروائی نیوز نے سب سے پہلے پہلا نتیجہ بریک کیا۔

اورنگی ٹاوٗن یوسی 26 سے متحدہ قومی موومنٹ کے شیخ کلیم 987 ووٹ لے کر چیئرمین منتخب ہوگئے ہیں اور انکے مدمقابل جماعت اسلامی کے امیدوار محمد صادق 258 ووٹ لے پائے۔

 


کراچی میں بلدیاتی انتخابات کے لئے پولنگ کا وقت ختم


 


ایم کیو ایم رہنما خوش بخت شجاعت  کی گفتگو


متحدہ قومی مومنٹ کی رہنماخوش بخت شجاعت نے اے آر وائی نیوز سے خصوصی گفتگو کرتے ہوئے کہا کہ کراچی کی عوام نے ایک بار پھر الطاف حسین پر اعتماد کا اظہار کیا ہے ۔

ایم کیو ایم کی رہنماخوش بخت شجاعت نے کہا کہ وسیم اختر سمیت 4 رہنماوں کو میئر کے لئے نامزد کیا گیا ہے پارٹی قیادت جس کو چاہیئے گی اسے میئر کے لئے منتخب کیا جائے گا انہوں نے کہا کہ مخالفین کی جانب سے میئر کے سارے  امیدوار ہا رگئے ہیں۔

 


ایم کیو ایم رہنما محمد انورکی گفتگو


متحدہ قومی مومنٹ کے رہنما محمد انور نے اے آر وائی نیوز سے خصوصی گفتگو کرتے ہوئے کہا کہ تمام پروپگنڈے کے باوجود ایم کیوایم کی جیت ہوئی ہے، عوام آج بھی الطاف بھائی کے ساتھ ہیں۔

کراچی آپریشن کے حوالے سے ان کا کہنا تھا کہ کراچی آپریش ایم کیوایم کے کہنے پر ہوا انہوں نے مطابلہ کیا کہ ریاستی ادارے اپنا کام کریں لیکن قانون اور آئین کے دئرائے میں رہتے ہوئے کریں، کسی کا ماروائے عدالت قتل نہ کیا جائے کسی کو اختیار نہیں کہ قید میں قتل یا ٹارچرڈ کیا جائے، ایم کیوایم کی خواہش ہے کہ  آپریشن میں  غیر قانونی کام نہ کیا جائے۔


رینجرز نے ایک ماہ کی سزا سنا دی


کراچی میں بلدیاتی الیکشن میں رینجرزحکام نے مجسٹریٹ کا اختیار استعمال کرتے ہوئے بلدیاتی انتخابات میں بے ضابطگیوں اور بوگس ووٹنگ میں ملزمان کو گرفتار کیا گیا۔

 


پی پی پی اورایم کیوایم میں تصادم


کراچی کے علاقے گلشنِ اقبال تیرہ ڈی میں ایم کیو ایم اور پیپلز پارٹی کے درمیان تصادم کاواقعہ پیش آیا ہے۔

پولیس اور رینجرز کی بھاری نفری جائے وقوعہ پر پہنچ گئی ہے اور صورتحال پر قابو پالیا گیا ہے۔

واقعے میں دو افراد کے شدید زخمی ہونے کی اطلاع ہے۔


حیدرعباس رضوی جماعت اسلامی کے کیمپ پر پہنچ گئے


ایم کیو ایم کے رہنماء حیدرعباس رضوی نے اپنا ووٹ کاسٹ کرنے کے بعد جماعت اسلامی اور تحریک انصاف کے مشترکہ کیمپ کا دورہ کیا اور دونوں جماعتوں کے ساتھ دوستانہ ماحول میں چائے بھی پی۔

 


تحریک انصاف اورجماعت اسلامی کا انتخابات پرعدم اطمینان کااظہار


تحریک انصاف اور جماعت اسلامی نے کراچی میں ہونے والے انتخابات میں رینجرز اورالیکشن کمیشن کے کردارپرعدم اطمینان کا اظہار کردیا ہے۔

جماعت اسلامی کے امیرحافظ نعیم الرحمن نے اے آروائی نیوزسے گفتگو کرتے ہوئے کہا ہے کہ کراچی کا بلدیاتی الیکشن ایم کیو ایم کوپلیٹ میں رکھ کردیا جارہا ہے۔


رینجرزکے کردار سے مطمئن نہیں، عمران اسماعیل


اے آروائی نیوز سے گفتگو کرتے ہوئے انہوں نے کہا کہ بلدیاتی انتخابات میں رینجرزکے کردارسے مطمئن نہیں ہیں، رینجرز نے ویسے انتظامات نہیں کئے جیسے عید الاضحیٰ پر کھالوں کی چھینا جھپٹی روکنے کے لئے کئے گئے تھے۔


پولنگ کے دورانیے میں اضافہ نہیں ہوگا: الیکشن کمیشن


الیکشن کمیشن نے اعلان کیا ہے کہ کراچی اور پنجاب میں ہونے والے بلدیاتی انتخابات میں پولنگ کا دورانیہ نہیں بڑھایا جائے گا۔

الیکشن کمیشن کا کہنا ہے کہ پولنگ ساڑھے پانچ بجے ختم ہوجائے گی تاہم پولنگ اسٹیشن کے اندرموجود افراد اپنا حقِ رائے دہی استعمال کرسکیں گے۔


ایم کیوایم کی ہنگامی پریس کانفرنس


ایم کیو ایم کے رہنما ڈاکٹرفاروق ستارنے ہنگامی پریس کانفرنس کرتےہوئے کہا کہ لانڈھی کے 25 پولنگ اسٹیشنز پرقبضہ ہے۔

ان کا کہنا تھا کہ لانڈھی میں ہمارے کارکنان پر تشدد کیا گیا ایک کی آنکھ نکال دی گئی اورپولنگ عملے کو یرغمال بنا رکھا ہے اس ماحول میں کوئی بھی شخص ووٹ ڈالنے کس طرح جائے گا۔

ایم کیو ایم کے رہنما فاروق ستار نے مذکورہ پولنگ اسٹیشنوں کی فہرست بھی میڈیا کے نمائندوں کو فراہم کی جن پر ان کے مطابق ایم کیو ایم حقیقی کے کارکنان قابض ہیں۔

ان کا کہنا تھا کہ ہمارے 70 پولنگ ایجنٹس کی مدد کے لئے بار بار اپیل کے باوجود کوئی نہیں آیا۔

ان کا کہنا تھا کہ لانڈھی میں ہمیں عوامی مینڈیٹ سے محروم کرنے کی کوشش کی جارہی ہے۔


ڈی جی رینجرز


ڈی جی رینجرز بلال اکبرکراچی کے مختلف علاقوں کا دورہ کرکے شہر میں ہونے والے بلدیاتی انتخابات کا جائزہ لے رہے ہیں۔

dg_rangers

ڈی جی رینجرز بلال اکبرلانڈھی بھی جائیں گے جہاں ایم کیوایم اور حقیقی کے کارکنان کے درمیان شدید تصادم کی صورتحال پیش آئی ہے۔


ڈسٹرکٹ ریٹرننگ افسر کا انوکھا کارنامہ


کراچی میں ضلع شرقی نے انوکھا کارنامہ انجام دیتے ہوئے تین امیدواروں کو ہی پولنگ افسرتعینات کردیا۔

تصیلات کے مطابق ساجد علی نامی شخص کو یوسی 27 میں پولنگ افسرتعینات کیا گیا ہے، مذکورہ شخص وارڈ نمبر1 سے جنرل کونسلرکا امیدواربھی ہے اسکے ہمراہ مزید دو افراد کو بھی پولنگ افسرتعینات کیا گیا تھا۔

image

ایس ایس پی ایسٹ جاوید جسکانی نے تفتیش کرکے مذکورہ اشخاص کوگرفتارکرکے تھانے منتقل کردیا ہے۔


عرفات ٹاوٗن میں تصادم


یوسی 23 عرفات ٹاؤن میں آزاد امیدواروں کے حامیوں میں تصادم کا واقعہ پیش آیا ہے۔

تصادم کے نتیجے میں دونوں جانب کے افراد شدید زخمی ہوگئے ہیں.


 ناظم آباد میں ایم کیوایم اورپیپلزپارٹی کے حامیوں میں جھڑپ


ناظم آباد نمبر 4 میں یوسی 45 پر متحدہ قومی موومنٹ اورپیپلزپارٹیوں کے حامیوں میں جھگڑا اور ہنگامہ آرائی کا واقعہ پیش آیا ہے۔

واقعے کے فوراً بعد انتخابی عملے نے رینجرزکو صورتحال پرقابوپانے کے لئے طلب کرلیا ہے۔


لانڈھی کے الیکشن کالعدم قرار دیئے جائیں ، نسرین جلیل کا مطالبہ


ٰایم کیو ایم کی رہنما نسرین جلیل کا کہنا ہے کہ لانڈھی کے الیکشن کالعدم قرار دیئے جائیں.

انکا کہنا تھا کہ لانڈھی میں فوج کی موجودگی میں الیکشن کرائیں جائیں ، فوج کا پولنگ اسٹیشن کے باہر ہونا بھی کافی ہوگا ، حقیقی نے ہمارے کارکن کے سر کھول دیئے ، مجھے اور فاروق ستار کو گالیاں دی گئی، متحدہ الیکشن میں حصہ نہیں لیتی تو حقیقی کو ووٹ نہیں ملتے .

انکا مزید کہنا تھا کہ لانڈھی میں پولیس اور رینجرز کی موجودگی میں ہمارے کارکنوں پر تشدد کیا گیا.


کراچی ملیر شمسی سوسائٹی میں ایم کیو ایم کے کیمپ پر حملہ


کراچی ملیر شمسی سوسائٹی میں ایم کیو ایم کے کیمپ پر حملہ کیا گیا ، جس کے نتیجے میں تین خواتین کے زخمی ہونے کی اطلاع ہے، ایم کیو ایم کے رہنماء وسیم اختر نے الزام لگایا ہے کہ یہ حملہ پی ٹی آئی اور جماعت اسلامی نے کیا ہے.


لیاری میں پی ٹی آئی اور پی پی کارکنان میں جھگڑا


یوسی 8 میراں ناکہ لیاری میں پی ٹی آئی اور پی پی کارکنان میں جھگڑا ہوا ، رینجرز پولنگ اسٹیشن کے باہر کارکنان کو منتشر کرنے کیلئے لاٹھی چارج کیا، علاقہ مکین نعرے بازی کر رہے ہیں.

آئی جی سندھ غلام حیدر جمالی لانڈھی کے کشیدہ علاقے میں پہنچ گئے.


 اورنگی یوسی 27 میں ایم کیو ایم اور جماعت اسلامی کے کارکنان میں کشیدگی


اورنگی یوسی 27 میں ایم کیو ایم اور جماعت اسلامی کے کارکنان کے درمیان کشیدگی پائی جارہی ہے، پویس کے لاٹھی چارج کے بعد کارکنان منتشر ہوگئے ہیں.


 لائنرایریا میں ایم کیو ایم اور حقیقی کارکنان میں کشیدگی، رینجرز کی گھر گھر تلاشی


کراچی میں لائنزایریا یو سی 11 میں ایم کیو ایم اور حقیقی کارکنان میں کشیدگی کے بعد رینجرز کی بھاری نفری پہینچ گئی اور گھر گھر تلاشی لی گئی. رینجرز نے 20 سے 25 افراد کو حراست میں لے لیا اور پوچھ گچھ جاری ہے.


 ایم کیو ایم کے لانڈھی سیکٹر آفس پر رینجرز کا چھاپہ


کراچی میں ایم کیو ایم کے لانڈھی سیکٹر پر رینجرز نے چھاپہ مارا، چھاپے کے دوران متعدد افراد کو حراست میں لے لیا گیا ہے، سیکٹر آفس کے گرد متحدہ کے کارکنان کی بڑی تعداد جمع ہے.


ایم کیو ایم کے رابطہ کمیٹی کے رہنما ڈاکٹر قاروق ستار اور آصف حسنین ، نسرین جلیل سیکٹر آفس کے باہر موجود ہے اور احتجاج کر رہے ہیں.

اس سے قبل ایم کیو ایم اور آفاق احمد گروپ میں تصادم ہوا تھا.


حقیقی نے لانڈھی میں 15 پولنگ اسٹیشن پر قبضہ کیا، فاروق ستار کا الزام


ایم کیو ایم کے رہنماء فاروق ستار کا کہنا ہے کہ حقیقی نے 15 پولنگ اسٹیشن پر قبضہ کرکے بوگس ووٹنگ کی جارہی ہے. ہمارے کارکنوں کو زخمی کیا گیا ،ہمارے کارکنان پر امن طریقے سے اس انتخابات کو لے کر چل رہے ہیں. ہم نے کسی حملہ کا جواب نہیں دیا نہ کسی حملے کا حصہ بنے.


ن لیگ اور پی پی کارکنان میں تصادم


کراچی گلزار ہجری یو سی 29 میں ن لیگ اور پی پی کارکنان میں تصادم کے باعث پولنگ روک دی گئی.


 کراچی کی دو یو سیز کے دو وارڈ میں انتخابات کالعدم قرار


کراچی ایسٹ یوسی 28 وارڈ 1 اور یو سی 4 وارڈ 2 میں غلط پیپر چھپپنے پر دوبارہ پولنگ ہوگی.

کراچی گلشن اقبال یوسی 29 میں فائرنگ ، علاقے میں خوف و ہراس پھیل گیا ہے.

یوسی 27 اورنگی میں ساڑھے چار گھنٹے تاخیر سے سامان پہنچا ، لیکن پریزائنڈنگ افسر اب بھی غائب ہیں، صبح سات بجے سے لوگوں کی بڑی تعداد موجود ہے اور سراپا احتجاج ہیں.

لانڈھی یو سی 16 میں فائرنگ کے باعث ایک شخص زخمی ہوگیا.

یو سی نمبر چار ، وارڈ نمبر 4 منگھو پیر میں بیلٹ پیپرز غلط چھپنے کے باعث اب تک پولنگ شروع نہ ہوسکی .


 گرفتار 3جعلی پولنگ افسر کو 3ماہ قید کی سزا


ترجمان رینجرز کے مطابق تینوں افراد کو نشتر پارک پارسی اسکول سے گرفتار کیا گیا تھا، گرفتار افراد میں اشرف ، شاہ زمان اور محمد حسن شامل ہیں، اشرف ڈینٹر جبکہ محمد حسن ریجنٹ پلازہ میں الیکٹریشن ہے، شاہ زمان ایم کیو ایم کے پی آئی بی سیکٹر کا کارکن ہے.

کیماڑی سکندر آباد میں پولیس نے پولنگ اسٹیشن میں انتخابی عملے کوڈرانے اور بوگس ووٹ ڈالنے کے الزام میں ایک شخص کوحراست میں لے لیا.


 

پاکستان تحریک انصاف کے سربراہ عمران خان کی کراچی والوں سے ووٹ دینے کی اپیل


 

کراچی یوسی 15 اور 17 لانڈھی میں کشیدگی پائی جارہی ہے، سیاسی جماعت کا کیمپ اکھاڑ پھینکا.


 کراچی یوسی 17 بلال آباد لانڈھی میں پولنگ ایجنٹ پر حملہ


کراچی یو سی 15 میں نامعلوم افراد نے پولنگ ایجنٹ عبداللہ کو تشدد کا نشانہ بنایا، جھگڑے کے بعد کشیدگی ہے، جس کے باعث پولنگ کا عمل متاثر ہے.


ایم کیو ایم اور آفاق احمد گروپ میں تصادم


لانڈھی یوسی 16 میں آفاق احمد کی تصاویر پھاڑنے پر ہنگامہ آرائی ایم کیو ایم اور آفاق احمد گروپ کے کارکنان آمنے سامنے ہیں اور ایک دوسرے کے خلاف نعرے بازی کر رہے ہیں.

اردو وفاقی یونیورسٹی میں رینجرز کی کارروائی 3 جعلی پولنگ افسر گرفتار کرلیا.

کراچی سولجر بازار یوسی 16 وارڈ نمبر 4 میں پولنگ روکنے پر عوام کا احتجاج جاری ہے .

کورنگی نمبر 2 گورنمنٹ سیکنڈری اسکول میں مہاجر قومی موومنٹ‌ کے سربراہ آفاق احمد نے ووٹ کاسٹ کردیا.

اورنگی یو سی 27 پولنگ اسٹیشن نمبر 12 میں پولنگ کا عمل شروع نہ ہوسکا ، خواتین سراپا احتجاج ہیں.

کراچی چنیسر گوٹھ میں 2 جماعتوں کا ایک دوسرے پر جعلی ووٹ ڈالنے کا الزام ، خواتین پولنگ اسٹیشن پر مردوں کا شور شرابہ کر رہے ہیں.

کراچی یو سی 27 پولنگ اسٹیشن نمبر 12 میں اب تک پولنگ شروع نہیں ہوسکی ، عملہ پریزائیڈنگ افسر غائب ہیں اور بیلٹ باکس بھی نہیں ہینچائے گئے

پی ٹی آئی کے رہنما نے دعویٰ کیا ہے کہ سولجر بازار کے پولنگ اسٹیشن سے جعلی 2پریزائیڈنگ افسر کو گرفتار کرلیا گیا جبکہ متعدد پریزائیڈنگ افسروں کے پاس الیکشن کمیشن کے لیٹر بھی نہیں ہے.

کراچی میں سولجر بازار یو سی 16 میں بھی عملہ نہ ہونے کے باعث پولنگ شروع نہ ہوسکی.

کراچی کے علاقے دنبہ گوٹھ یو سی 8 ، میں عملہ میں میں پولنگ شروع نہیں ہوسکی .

گورنگی کے مختلف علاقو‌ں میں کشیدگی رینجرز کو طلب کرلیا گیا.

کراچی بلدیہ یو سی 36 میں جعلی ووٹ کاسٹ کرنے پر دو سیاسی جماعتوں میں کشیدگی ووٹنگ کا عمل روک دیا گیا ہے ، ووٹرز احتجاج کر رہے ہیں.


پولنگ اسٹیشن پر زبردستی ووٹ ڈالے جارہے ہیں


کراچی کے علاقے چنیسر گوٹھ یو سی 4 پولنگ اسٹیشن 17 میں ضابطہ اخلاق کی خلاف ورزی کی جارہی ہے، پولنگ اسٹیشن پر زبردستی ووٹ کاسٹ ڈلوائے جارہے ہیں پولنگ ایجنٹس ووٹر کے ہمراہ ووٹ ڈلوا رہا ہے.

کراچی میں لیاری ، گلستان جوہر .اور ملیر کے مختلف پولنگ اسٹیشن پر بد انتظامی دیکھنے میں آئی.

ملیر میں‌ ایک شادی ہال کو راتوں رات پولنگ سٹیشن میں تبدیل کردیا گیا ،حکام نے ہال کے تالے توڑ کر اسکو پولنگ اسٹیشن بنایا،شادی ہال مالک نے مایوسی کا اظہار کیا.

پاک کالونی میں اب تک پولنگ شروع نہ ہوسکی ، حسرت موہانی اسکول میں پولنگ اسٹیشن بنایا گیا جہاں اب تک پولنگ عملہ نہ پہنچ سکا لوگ قطاروں میں کھڑے ہیں.

ضلع ملیر کے مختلف پولنگ اسٹیشنز میں بھی پالنگ شروع نہ ہوسکی.

یو سی 6 منظور کالونی میں پولنگ اسٹیشن پر تالے لگے ہیں اور عملہ غائب ہیں، رینجرز پولنگ اسٹیشن پر موجود ہے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top