کراچی کے علاقے لیاری بغدادی میں زمین بوس ہونے والی کثیرالمنزلہ رہائشی عمارت کا ریسکیو آپریشن مکمل کر لیا گیا۔
ریسکیوحکام کے مطابق عمارت کےملبے سے 27 افراد کی لاشیں نکالی گئی ہیں اور ریسکیو عمل مکمل ہونے کے بعد ہیوی مشینری چلی گئی۔
ریسکیو حکام کا کہنا ہے کہ ضلعی انتظامیہ واقعے کی جگہ کو سیل کرے گی۔
4 جولائی 2025 کی صبح لیاری کے علاقے بغدادی میں 6 منزلہ رہائشی عمارت گر گئی تھی جس کے نتیجے میں 27 افراد دب کر جاں بحق اور خواتین سمیت آٹھ افراد زخمی ہوگئے تھے۔
ملبے سے تین ماہ کی بچی کو زندہ نکالا گیا۔
ادھر وزیراعلیٰ سندھ نے سانحہ لیاری پر تفصیلی اجلاس کل طلب کرلیا۔ وزیراعلیٰ مرادعلی شاہ عمارت گرنےکی وجوہات معلوم کریں گے اور غفلت برتنے والوں کو سزا بھی دیں گے۔
انہوں نے کہا کہ کراچی میں 480 زائد عمارتیں خطرناک قرار دی گئی ہیں ان سے گھر خالی کرنے کا کہو تو لوگ تحفظ مانگتے ہیں۔
