The news is by your side.

Advertisement

کراچی: مدرسہ کے طالب علم کی پراسرار موت

کراچی: شہر قائد کے علاقے لانڈھی میں مدرسے کے طالب علم کی پُراسرار موت ہوئی۔

اے آر وائی نیوز کے مطابق کراچی کے علاقے لانڈھی میں واقع مانسہرہ کالونی کے مدرسے میں زیر تعلیم 12 سالہ افتخار کی اچانک موت واقع ہوئی جس کے بعد انتظامیہ نے اہل خانہ کو آگاہ کیا۔

پولیس حکام کے مطابق طالب علم کے والد نے کراچی پہنچ کر لاش وصول کی اور پوسٹ مارٹم کروانے سے انکار کردیا، ورثا کی عدم دلچسپی اور انکار کی وجہ سے پولیس نے لاش بغیر پوسٹ مارٹم کے ہی اُن کے حوالے کردی۔

پولیس کے مطابق بچے کے جسم پر بظاہر تشدد کے نشانات موجود نہیں تھے اور میڈیکو لیگل افسر (ایم ایل او) نے بھی افتخار کی موت کو طبعی قرار دیا۔

پولیس کے مطابق صوبہ خیبرپختونخواہ کا رہائشی 12 سالہ افتخار گزشتہ چار سال سے مدرسے میں زیر تعلیم تھا، مدرسہ انتظامیہ نے چند روز قبل اہل خانہ کو طبیعت ناسازی سے متعلق آگاہ کیا تھا۔

Comments

یہ بھی پڑھیں