The news is by your side.

Advertisement

ایم کیوایم کا یومِ سوگ: کراچی کے مختلف علاقوں میں کاروبار بند

متحدہ قومی موومنٹ کی ریلی پر پولیس کے لاٹھی چارج کے خلاف ایم کیو ایم کے جمعرات کو یوم سوگ منانے کے اعلان کے بعد شہر کے مختلف علاقوں میں کاروبار بند ہوگیا۔

اے آر وائی نیوز کے مطابق برنس روڈ،یونیورسٹی روڈ،گلستان جوہر،گلشن اقبال میں کاروباربند کردیا گیا، جیکب لائن،لیاقت آباداورناگن چورنگی میں بھی دکانیں بند کردی گئیں۔

کورنگی میں نامعلوم افراد نے ٹائر جلا کر سڑک بلاک کردی، جیکب لائن میں بھی دکانیں بند کردی گئی ہیں۔

واضح رہے کہ بدھ کی شام سندھ کے نئے بلدیاتی نظام کے خلاف ایم کیو ایم کے وزیراعلیٰ ہاؤس پہنچنے والی ریلی پر پولیس نے لاٹھی چارج کیا جس کے نتیجے میں متحدہ کے ایم پی اے، خاتون رکن سمیت کئی افراد زخمی ہوئے ہیں جب کہ متعدد کارکنوں کو گرفتار کیا گیا ہے۔

Comments

یہ بھی پڑھیں