The news is by your side.

Advertisement

میئر کراچی وسيم اختر نے بیٹے کے ہاتھوں زخمی حسنین سے معافی مانگ لی

کراچی : میئر کراچی وسيم اختر نے بیٹے کے ہاتھوں زخمی حسنین سے معافی مانگ لی اور کہا اس طرح کا واقعہ نہیں ہونا چاہئے تھا ، ہم سب بھائی ہیں ، حسنین حیدر نے تیمور اختر کیخلاف مقدمہ واپس لینے کی یقین دہانی کرادی۔

تفصیلات کے مطابق میئر کراچی وسيم اختر بیٹے کے ہاتھوں زخمی حسنین کے گھر صلح کے لئے پہنچے اور بیٹے کی غلطی تسلیم کرتے ہوئے زخمی نوجوان کے والد محبوب عباسی سے معذرت کرلی۔

میئروسیم اختر نے کہا اس طرح کا واقعہ نہیں ہونا چاہئے تھا، ہم سب بھائی ہیں اور بھائیوں کے درمیان غلط ہوا،جس کے بعد حسنین حیدر نے تیمور اختر کو معاف کردیا اور مقدمہ واپس لینے کا وعدہ کرلیا۔

یاد رہے گذشتہ روز میئر کراچی وسیم اخترکےبیٹے تیمور اختر کے خلاف مقدمہ درج کیا گیا تھا، مقدمہ نوجوان حسنین حیدر نے درخشاں تھانے میں درج کرایا تھا۔

مزید پڑھیں : میئر کراچی وسیم اخترکے بیٹے کے خلاف مقدمہ درج

مقدمے میں جھگڑا، سنگین نتائج کی دھمکیاں اور دیگر دفعات شامل کی گئیں تھیں ، مقدمے کے متن میں کہا گیا تھا میئر کراچی کے بیٹے تیمور اختر نے نیو ایئر نائٹ پر تلخ کلامی کے بعد ہوائی فائرنگ کی اور اسلحے کے بٹ سے مار پیٹ کے بعد گن مین کے ساتھ اپنی گاڑی میں بٹھانے کی بھی کوشش کی، حسنین حیدر اور دوستوں کی مزاحمت پر جان سے مارنے کی دھمکیاں بھی دیں۔

متاثرہ نوجوان کا کہنا تھا کہ تیمور جھگڑتا رہا اور اپنے والد کے نام پر دھمکاتا رہا اور گارڈز کے ساتھ ملکر مجھے تشدد کا نشانہ بنایا، ڈیفنس میں 2 مقام پر مجھے اور میرے دوستوں کو زدو کوب کیا گیا۔

مقدمہ درج ہونے کے باوجود پولیس نے میئرکراچی کےبیٹے تیمور اختر کو گرفتار نہ کیا تھا۔

خیال رہے میئرکراچی کابیٹا بیرون ملک جھگڑوں کی وجہ سے سزا اور ڈیپورٹ ہوچکا ہے۔

fb-share-icon0
Tweet 20

Comments

comments

یہ بھی پڑھیں