site
stats
اہم ترین

کراچی کے مئیر و ڈپٹی میئر کا انتخاب 24 اگست کو ہوگا، کاغذات نامزدگی منظور

کراچی : مئیر کراچی اور ڈپٹی مئیر کے لیے ایم کیو ایم کے وسیم اختر اور ارشد وہرہ سمیت پیپلز پارٹی، مسلم لیگ ن اور جماعت اسلامی کے امیدواروں کے کاغذات نامزدگی منظور کر لیے گئے۔

تفصیلات کے مطابق چوبیس اگست کو مئیر اور ڈپٹی مئیر کے انتخاب کے لیے پولنگ ہوگی، کراچی کے میئر اور ڈپٹی میئر کے انتخاب کیلئے امیدواروں کے کاغذات کی جانچ پڑتال کا سلسلہ کے ایم سی بلڈنگ میں جاری ہے۔

مئیر کراچی کے لیے جیل میں زیر حراست متحدہ قومی مووومنٹ کے امیدوار وسیم اختر اور ڈپٹی مئیر کے لیے ارشد وہرہ سمیت ڈور میں شامل پیپلز پارٹی، جماعت اسلامی اور مسلم لیگ ن کے امیدواروں کے کاغذات نامزدگی منظور کر لیے گئے۔

نامزد ڈپٹی مئیر ارشد وہرہ کا کہنا ہے کہ کراچی شہر کو یتیم سمجھا جا رہا ہے، بیوروکریسی نے وزیراعلیٰ کو بے وقوف بنا رکھا ہے۔

مئیر کے لیے پیپلز پارٹی کے امیدوار نے کراچی کی ناقص صفائی ستھرائی کا ذمے دار میٹروپولیٹن کو قرار دیا ہے، ڈپٹی مئیر کے لیے مسلم لیگ ن کے امیدوار نے بلدیاتی کمزوریوں، پانی کی قلت ختم کرنے سمیت ترقیاتی منصوبوں کے شہریوں کو خواب دکھا دئیے۔

امیدواروں کی حتمی فہرست سولہ اگست کو آویزاں کی جائے گی، پولنگ چوبیس اگست کو ہوگی اور انتخابی نتائج کا اعلان پچیس اگست کو ہوگا جبکہ مئیر ، ڈپٹی مئیر اور ضلعی چئیرمین اور وائس چئیرمین تیس اگست کو حلف اٹھائیں گے۔

دوسری جانب ایم کیو ایم کے اسیر امیدوار وسیم اختر کی بھی ضمانت میں بیس اگست تک توسیع کر دی گئی ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top