The news is by your side.

Advertisement

کراچی، کازوے پر ڈوبنے والوں کی موٹرسائیکلیں‌ مل گئیں، لاشیں‌ نہ مل سکیں

کراچی: شہر قائد کے علاقے کورنگی کازوے پر ڈوبنے والے شہریوں کی 12 موٹر سائیکلیں نکال لی گئیں تاہم لاشیں نہ مل سکیں۔

اے آر وائی نیوز کی رپورٹ کے مطابق کراچی کے علاقے کورنگی کازوے پر ڈوبنے والوں کی درجن بھر موٹرسائیکلیں نکال لی گئیں جبکہ شہریوں کی لاشیں تاحال برآمد نہیں ہوسکی ہیں۔

نمائندہ اے آر وائی نیوز کے مطابق ریسکیو اداروں، شہریوں نے اپنی مدد آپ کے تحت موٹرسائیکلوں کو پانی سے نکالا۔

ریسکیو ذرائع کا کہنا ہے کہ ڈوبنے والے افراد کی میتوں کی تلاش کے لیے ورثا کازوے پر روزانہ آتے ہیں، کتنی اور موٹرسائیکلیں اور لوگ ڈوبے ہیں اندازہ نہیں ہے۔

شہری کا کہنا تھا کہ میرا بھائی 6 دن ہوگئے لاپتا ہے، ڈھونڈنے روزانہ آرہا ہوں، بھائی اور پھوپھو میت میں جاتے وقت ریلے میں بہہ گئے تھے، پھوپھو کی لاش مل گئی بھائی کی لاش اب تک نہیں ملی ہے۔

واضح رہے کہ کراچی میں طوفانی بارشوں نے تباہی مچادی، تین دن کی بارش میں کراچی میں 41 افراد جاں بحق ہوگئے جبکہ متعدد لوگوں کی املاک کو نقصان پہنچا۔

خیال رہے کہ گلستان جوہر صائمہ اسکوائر میں دیوار گرنے سے 4 بچے اور تین خواتین جاں بحق ہوگئی تھیں، علاقہ مکینوں کا کہنا تھا کہ دیوار بجلی گرنے کی وجہ سے گری۔

Comments

یہ بھی پڑھیں