The news is by your side.

Advertisement

کراچی، سالِ نو پرسیکیورٹی اور ٹریفک کے خصوصی اقدامات کا فیصلہ

کراچی: شہر قائد میں نئے سال کے موقع پر سیکیورٹی اور ٹریفک کے خصوصی اقدامات کا فیصلہ کرلیا گیا۔

اے آر وائی نیوز کی رپورٹ کے مطابق کمشنر کراچی کی زیر صدارت ڈپٹی کمشنرز ، پولیس اور متعلقہ افسران کا اجلاس ہوا جس میں نئے سال کے موقع پر سیکیورٹی اور ٹریفک کے خصوصی اقدامات کا فیصلہ کیا گیا۔

کمشنر کراچی نے کہا کہ نیو ایئر پر کورونا ایس او پیز کو مدنظر رکھ کر اقدامات کیے جائیں، تفریحی مقامات ، شاہراہوں ، ساحل سمندر پر سیکیورٹی انتظامات کیے جائیں۔

اجلاس میں فیصلہ کیا گیا کہ نیو ایئر کے موقع پر اسلحہ کی نمائش، ہوائی فائرنگ ، ون ویلنگ کی اجازت نہیں دی جائے گی، ہوائی فائرنگ پر پابندی کے لیے دفعہ 144 نافذ ہوگی۔

کمشنر کراچی کا کہنا ہے کہ رش کے پیش نظر ریسٹورنٹس ، تجارتی مراکز 5 بجے بند کردئیے جائیں گے، ساحل سمندر پر متوقع ٹریفک دباؤ کے پیش نظر خصوصی پلان تیار کیا جائے گا۔

انہوں نے کہا کہ ڈی آئی جی ٹریفک پلان بنائیں گے ، عملدرآمد کے لیے خصوصی عملہ متعین کریں، ڈپٹی کمشنر ، پولیس، رینجرز کے ساتھ رابطہ و تعاون سے اقدامات کریں۔

Comments

یہ بھی پڑھیں