The news is by your side.

Advertisement

کراچی: سال نو کے جشن پر فائرنگ، 17افراد زخمی

کراچی : سال نو کے جشن پر فائرنگ سے سترہ افراد زخمی ہوگئے جبکہ پولیس نے لاہور اور ملتان میں کارروائی کے بعد چوبیس منچلوں کو حراست میں لے کر اسلحہ برآمد کرلیا۔

کراچی میں نئے سال کی آمد کیساتھ شہر فائرنگ سے گونج اٹھا، مختلف علاقوں میں منچلوں کی فائرنگ سے سترہ افراد زخمی ہوئے، نارتھ ناظم آباد میں فائیو اسٹار چورنگی پر پولیس مداخلت پر ہنگامے کے نتیجے میں منچلوں نے گاڑیوں کے شیشی توڑے تو پولیس نے منچلوں کو منتشر کرنے کے خلاف کاروائی کی۔

فائرنگ کے واقعات رنچھوڑ لائن، گلشن اقبال، لائنز ایریا، پی آئی بی کالونی، اولڈ سٹی ایریا، ڈیفنس، کلفٹن اور صدر میں پیش آئے، رات گئے اورنگی ٹاؤن سے ایک شخص کی لاش ملنے کی اطلاع ہے۔

دوسری جانب لاہور کے مال روڈ پر پولیس منچلوں کے سامنے بے بس نظرآئی، گلبرگ میں پولیس نے کارروائی کرکے چارمنچلوں کو حراست میں لے کر اسلحہ برآمد کرلیا، ملتان میں سال نو کا جشن پر پولیس نے قانون کی خلا ف ورزی کرنے پر بیس منچلوں کو حراست مں لے کر دو سو موٹر سائیکلیں بھی قبضے میں لے لیں۔

پشاور ،کوئٹہ ، فیصل آباد سمیت دیگر شہروں میں بھی نئے سال کی آمد پر منچلوں کو کنٹرول کرنے کیلئے پولیس کی نفری الرٹ رہی ۔

Comments

comments

یہ بھی پڑھیں