کراچی : نمائش چورنگی پردھرنا ختم کرانے کیلئے پولیس نے اپنی پوزیشنیں سنبھال لی ہیں۔
تفصیلات کے مطابق کراچی کے علاقے نمائش چورنگی پر جاری دھرنے کے شرکاء کو منتشر کرنے کیلئے پولیس کے چاق وچوبند دستوں نے نمائش کے چاروں اطراف پوزیشن سنبھال لی ہیں.
جیسے ہی اعلیٰ حکام کی جانب سے حکم ملا تو پولیس اہلکار کارروائی کا آغاز کردیں گے، مظاہرین کو رضا کارانہ طور پر نمائش چورنگی خالی کرنے کا کہا جائے گا،بصورت دیگر ان کے خلاف سخت کارروائی کی جائے گی۔
ذرائع کے مطابق شرکاء کو منتشر کرنے کیلئے آنسو گیس کے یل اور واٹر کینن کا استعمال کیا جائے گا، اوراس دوران بڑی تعداد میں شرکا ء کی گرفتاریوں کا بھی امکان ہے.
اے آر وائی نیوز کی ڈیجیٹل ڈیسک کی جانب سے شائع کی گئی خبریں