کراچی، عید کے تیسرے روز بھی حکام آلائشیں اٹھانے میں ناکام
The news is by your side.

Advertisement

کراچی، عید کے تیسرے روز بھی حکام آلائشیں اٹھانے میں ناکام

کراچی : عید قرباں کے تیسرے روز بھی فرزندان اسلام نے  اللہ کی راہ میں اپنے جانوروں کو قربان کیا،لیکن حکام شہر کے مختلف علاقوں سے آلائشیں اٹھانے میں تاحال ناکام رہے۔

تفصیلات کے مطابق کراچی سے آلائشیں اٹھانے کے دعوے دھرے کے دھرے رہ گئے، ڈی ایم سیز اور سالڈ ویسٹ مینجمنٹ بورڈ آلائشیں اٹھانے میں ناکام رہا۔

ملک بھر میں عید الاضحیٰ کے تیسرے روز بھی قربانی کا سلسلہ جاری رہا، سنت ابراہیمی کی پیروی کرتے ہوئے رب کی خوشنودی کی خاطر فجر کے بعد سے ہی مسلمان قربانی میں مصروف تھے۔

کراچی میں انتظامیہ کے مطابق عید کے تینوں دن دس لاکھ سے زائد جانوروں کو قربان کیا گیا۔

شہر قائد میں لاکھوں جانوروں کی قربانی کے بعد آلائشیں اٹھانے کا عمل بھی انتہائی سست تھا، مختلف علاقوں میں بلدیاتی عملہ پہنچ ہی نہ سکا جبکہ دیگر شہروں کے کئی علاقوں سے جانوروں کی آلائشیں نہ اٹھائی جا سکیں، جس سے شہری پریشان ہیں‌۔

رپورٹس کے مطابق شہر کی سڑکوں، گلیوں سے آلائشیں مکمل طور پر نہ اٹھائی جاسکیں، کچرے کے ڈھیروں میں آلائشیں موجود ہونے سے تعفن پھیلنے لگا جبکہ ضلع وسطی، جنوبی، غربی اور ملیر میں آلائشیں اٹھانے کا عملہ نہیں پہنچ سکا۔

شہریوں نے اپنی مدد آپ کے تحت رقم دے کر آلائشیں اٹھوائیں، کراچی کے علاقے لانڈھی ٹاؤن میں قربانی کے جانوروں کی آلائشیں نہ اٹھانے پر علاقہ مکینوں کی جانب سے احتجاج بھی کیا۔

Comments

comments

یہ بھی پڑھیں