The news is by your side.

Advertisement

کراچی: شادمان ٹاؤن میں فائرنگ، ایک شخص جاں بحق

کراچی: شہر قائد کے علاقے شادمان ٹاؤن میں فائرنگ سے ایک شخص جاں بحق ہوگیا، فائرنگ کا واقعہ گھر میں ڈکیتی کے دوران مزاحمت پر پیش آیا۔

تفصیلات کے مطابق کراچی کے علاقے شادمان ٹاؤن سیکٹر 14 بی میں ڈاکوؤں کی فائرنگ سے ریاض ملک نامی نوجوان جاں بحق ہوگیا۔
پولیس کا کہنا ہے کہ فائرنگ کا واقعہ گھرمیں ڈکیتی کے دوران مزاحمت پر پیش آیا۔

بنگلے کے مالک کاشف نے بتایا کہ 6ڈاکوؤں نے بنگلےمیں گھس کراہل خانہ کو یرغمال بنایا، ملزمان نقدی، زیورات لوٹ کر بالائی منزل پر گئے۔ انہوں نے کہا کہ ریاض ملک نے روکنے کی کوشش کی تو ڈاکوفائرنگ کرکے فرار ہوئے۔

ڈی ایس پی طارق نے کہا کہ جاں بحق نوجوان ریاض ملک میرا بھانجا تھا، ملزمان ایک گھنٹے سے زائد گھر میں موجود رہے، ملزمان نقدی، سونا اور2 پستول لوٹ کرفرار ہوئے۔

ڈی ایس پی نے بتایا کہ ملزمان نے مجھے بھی تشدد کا نشانہ بنایا، ملزمان سفید رنگ کی کرولا میں فرار ہوئے۔

Comments

comments

یہ بھی پڑھیں