کراچی : لانڈھی لیبر اسکوائر کے قریب فائرنگ میں ہلاک ہونے والے شخص کی شناخت عارف کے نام سے ہوگئی۔
تفصیلات کے مطابق شہر قائد میں ایک مرتبہ پھر حالات کشیدگی کی جانب بڑھ رہے ہیں، لانڈھی کے علاقے لیبر اسکوائر کے قریب فائرنگ کے واقعے میں ایک شخص ہلاکت کی اطلاعات موصول ہوئی ہیں۔
ذرائع کا کہنا ہے کہ مقتول کی شناخت عارف کے نام سے ہوئی ہے، جس کی لاش اسپتال منتقل کردی گئی۔
پولیس کا کہنا ہے کہ واقعہ دو گروپوں کے دوران جھگڑے کے دوران پیش آیا، جھگڑے کے دوران فائرنگ، ڈنڈوں کے وار سے تین افراد زخمی ہوئے جب کہ ایک شخص ہلاک ہوا ہے۔
ریسکیو اہلکاروں نے جھگڑے میں زخمی ہونے والے دو افراد کو طبی امداد کےلیے اسپتال منتقل کردیا جب کہ جاں بحق شخص کی لاش بھی اسپتال پہنچادی گئی ہے۔
پولیس کا کہنا ہے کہ جھگڑے کی اطلاع پر پولیس اور رینجرز موقع پر پہنچ گئی تاہم سیکیورٹی اہلکاروں کی آمد سے قبل نامعلوم افراد نے دو دکانوں اور گاڑیوں کے شیشے توڑ دئیے تھے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں