site
stats
پاکستان

کراچی : اورنگی ٹاؤن اور بلدیہ سے2ٹارگٹ کلر گرفتار

کراچی : پولیس اہلکاروں سمیت متعدد افراد کے قتل میں ملوث دو ٹارگٹ کلرز کو اورنگی اور بلدیہ سے گرفتار کرلیا گیا، جس کے بعد سی ٹی ڈی سعود آباد کے دفتر پر کریکر حملے میں دو افراد زخمی ہوگئے.

کراچی آپریشن میں تیزی سے جرائم پیشہ عناصر کے گرد گھیرا تنگ ہونے لگا ہے، اورنگی اور بلدیہ سے پولیس اہلکاروں کے قتل میں ملوث دو ٹارگٹ کلرز دھرلیے گئے۔

ایس ایس پی جنید شیخ نے بتایا کہ شہر قائد میں چھتیس افراد کے قتل میں ملوث دو ٹارگٹ کلرز کو گرفتار کرلیا ہے، ریاض بٹ نے چوبیس اور شرجیل نے بارہ افراد کے قتل کا اعتراف کیا ہے۔ انھوں نے بتایا کہ ملزمان سے اسلحہ اور دستی بم برآمد ہوا ہے۔

ایس ایس پی سی ٹی ڈی کی پریس کانفرنس کے چند گھنٹے بعد سی ٹی ڈی سعودآباد کے دفتر پر کریکرحملہ کیا گیا، جس کے نتیجے میں دو افراد زخمی ہوئے اور دفتر کے شیشے ٹوٹ گئے .

ایس ایس پی جنید شیخ نے میڈیا سے گفتگو میں بتایا کہ حملہ دہشت گردوں کے سہولت کاروں کا سی ٹی ڈی کی کارروائیوں پر رد عمل ہے، ایس ایس پی جنید شیخ پولیس نے فیڈرل بی ایریا اور گلبرگ سے پولیس اہلکاروں کے قتل میں ملوث دو ٹارگٹ کلرز کو حراست میں لے لیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top