کراچی : شہر قائد کے تاجروں نے کہا ہے کہ کراچی آپریشن ہرصورت جاری رہنا چاہئیے۔ آپریشن رکا توحالات پہلے سے زیادہ خراب ہوجائیں گے۔
تفصیلات کے مطابق تاجروں نےرینجرزکےہاتھ مضبوط کرنے کااعلان کردیا۔ کراچی کےتاجروں اورصنعت کاروں کا کہنا ہے کہ اب گھرسےنکلتےڈرنہیں نکلتا۔
کراچی آپریشن کودوسال مکمل ہونے پرتقریب کے موقع پر خطاب کرتے ہوئے کراچی کے تاجروں نےکہا کہ اب کوئی بھتہ نہیں مانگتا، اغواء برائےتاوان کی وارداتیں بھی کم ہوگئی ہیں ۔
تاجررہنماسراج قاسم تیلی نےخبردارکیا کہ آپریشن روکا گیا توصورت حال پہلے سے زیادہ خراب ہوجائےگی،ہرمصلحت کو بالائےطاق رکھ کرآپریشن جاری رکھا جائے۔
رینجرزکےکرنل امجد نےکہا کہ کراچی والوں کوآپریشن پربھرپوراعتماد ہے، کراچی میں صورت حال ابترہونےپرسب سےزیادہ تاجروں کا اصرار تھا کہ آپریشن شروع کیا جائے۔صورت حال بہترہونےپروہی زیادہ خوش ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں