کراچی میں اسکول کے اندر لڑکی کو گولی ماردی گئی جس کے نتیجے میں وہ زخمی ہوگئی۔
اے آر وائی نیوز کے مطابق کراچی کے علاقے اورنگی ٹاؤن کے اسکول میں لڑکی کو گولی مار دی گئی طالبہ کو شدید زخمی حالت میں عباسی شہید اسپتال منتقل کردیا گیا ہے۔
اسکول انتظامیہ کی جانب سے پولیس کو بتایا گیا ہے کہ فائرنگ کلاس روم کے اندر ہوئی ہے، کلاس کے اندر اچانک گولی چلی جس سے طالبہ زخمی ہوگئی۔
اسکول انتظامیہ کا بتانا ہے کہ طالب علم کے گھر والوں سے رابطہ کرنے کی کوشش کررہے ہیں لیکن انہوں نے فون بند کردیے ہیں۔
پولیس کا بتانا ہے کہ میٹرک کا طالب علم فضل اللہ بیگ کے اندر اسلحہ رکھ کر لایا تھا۔
پولیس کا کہنا ہے کہ گولی حادثاتی طور پر چلی یا لڑکی کو زخمی کیا گیا اس سے متعلق تحقیقات کررہے ہیں جبکہ واقعے کے بعد سے طالب علم فرار ہے جس کی تلاش جاری ہے۔
یاد رہے کہ چند ماہ قبل کراچی کے علاقے گلشن اقبال کے اسکول میں بھی فائرنگ کا واقعہ پیش آیا تھا جس کے نتیجے میں نویں جماعت کا طالب علم جاں بحق ہوگیا تھا جس کا ملزم تاحال فرار ہے۔
