کراچی : میئرکراچی وسیم اختر کاکہناہےکہ کراچی کوعمارتوں کاجنگل بنادیاگیاہے،صوبائی حکومت پانی کہاں سے دی گی۔
تفصیلات کےمطابق کراچی میں میڈیا سے بات کرتے ہوئے میئرکراچی وسیم اختر کا کہناتھاکہ شہرسے غیرقانونی ہائیڈرنٹس ختم کرائے جائیں۔
میڈیا سے گفتگوکرتے ہوئے وسیم اخترنےکہا کہ بطور میئر کراچی کے ایم سی کا موقف دیناچاہتاہوں،انہوں نےکہاکہ واٹر بورڈ کا مسئلہ کافی عرصے سے چل رہاہے۔
میئرکراچی کا کہناتھا کہ شہر کے لیے اربوں،کھربوں روپے جاری ہوتے ہیں لیکن اس کے باوجود نالے صاف نہیں ہوتے،انہوں نےکہا کہ ایس تھری کامنصوبہ 34 ارب پرپہنچ گیاہے۔
مزید پڑھیں:جان کو خطرہ ہے،وسیم اختر کا کور کمانڈر کو خط
خیال رہےکہ دو روزقبل میئر کراچی وسیم اختر نے سیکیورٹی خدشات کے حوالے سے کور کمانڈر کراچی اور ڈی جی رینجرز کو خط لکھ کر سیکیورٹی مسائل اور مشکلات سے آگاہ کیاتھا۔
مزید پڑھیں:تیس بڑے نالوں کی صفائی کے لیے فنڈز جاری کیے جائیں،وسیم اختر
واضح رہےکہ گزشتہ ماہ میئرکراچی وسیم اختر نے کہا تھا کہ شہر کے تیس بڑے نالوں کی صفائی کے لیے یکمشت فنڈز مہیا کیا جائے،تمام نالوں کی ایک ساتھ صفائی کرنے سے شہر سے نکاسی آب کا مسئلہ حل ہو جائےگا۔
