بدھ, جنوری 22, 2025
اشتہار

کراچی میں پان کی دکان پر ڈکیتی کرنے والا ڈی ایس پی نکلا

اشتہار

حیرت انگیز

کراچی: گلشن اقبال میں پان کی دکان پر ڈکیتی کرنے والا ڈی ایس پی کا بیٹا نہیں بلکہ خود ڈی ایس پی اس واقعے میں ملوث نکلا ہے۔

گزشتہ روز کراچی کے علاقے گلشن اقبال 13 ڈی میں پولیس موبائل میں آئے سادہ لباس افراد نے پان کے کیبن میں لوٹ مار کی اور فرار ہوگئے تھے جس کی سی سی ٹی وی فوٹیج  بھی سامنے آئی تھی۔

دکاندار نے بتایا تھا کہ اس واردات میں اسے 70 ہزار روپے سے زیادہ کا نقصان ہوا ہے، یہی لوگ رواں ماہ کی 2 تاریخ کو بھی مجھ سے لوٹ مار کرکے گئے تھے، ویڈیو سامنے آنے کے بعد اس کیس میں ڈی ایس پی اور بیٹے سمیت 3 افراد کو حراست میں لیا گیا تھا۔

 

View this post on Instagram

 

A post shared by ARY News (@arynewstv)

- Advertisement -

تاہم گرفتار ملزم کی ابتدائی تفتیش کے بعد تفتیشی حکام نے بتایا کہ پان کی دکان پرڈکیتی ڈی ایس پی نے کروائی تھی، گرفتار ملزم نے بھی ابتدائی تفتیش کے دوران انکشاف کیا ہے۔

تفتیشی حکام کے مطابق گرفتار ڈی ایس پی ظفر کو 2 سال پہلے موبائل الاٹ ہوئی تھی، تفتیشی ٹیم نے موبائل ٹریکر سے لوکیشن چیک کی تو واردات کے وقت پولیس موبائل کرائم سین پر موجود تھی۔

تفتیشی پولیس حکام نے بتایا کہ مدعی مقدمے نے بھی ڈی ایس پی کو شناخت کرلیا ہے، ڈکیتی کرنیوالے رافع اور بلال ڈی ایس پی کے پرائیوٹ ملازم تھے۔

پولیس کا کہنا ہے کہ دونوں پرائیویٹ ملازمین نے ماسک پہن کر واردات کی، پرائیویٹ ملزمان کی گرفتاری کیلئے چھاپے مارے جارہے ہیں۔

Comments

اہم ترین

نذیر شاہ
نذیر شاہ
نذیر شاہ کراچی میں اے آر وائی نیوز کے کرائم رپورٹر ہیں

مزید خبریں