روم: مسیح برادری کے روحانی پیشوا پوپ فرانسس نے دنیا بھر میں 14 کارڈینلز کی تقرریاں کردیں جس کے تحت کراچی کے آرچ بشپ جوزف کوٹس کو بھی کارڈینل کا اعزاز دیا گیا۔
تفصیلات کے مطابق پوپ فرانسس نے دنیا بھر کے 14 گرجا گھروں میں موجود پادریوں کو کارڈینل کا مقرر کرنے کا اعلان کیا جن میں کراچی کے آرچی بشپ جوزف کوٹس بھی شامل ہیں۔
مزید پڑھیں: پوپ فرانسس نے پاکستانی نوجوان کا سندھی اجرک کا تحفہ قبول کرلیا
پوپ فرانسس 29 جون کو منعقد ہونے والی ٹاپ کونسل مٹینگ میں منتخب کردہ کارڈ ڈینلز کو عہدے تفویض کریں گے، جوزف کوٹس دوسرے پاکستانی پادری ہیں جنہوں نے کارڈینل کا اعزاز اپنے نام کیا۔
واضح رہے کہ کارڈینل کا انتخاب دنیا کے پانچ براعظموں سے کیا گیا جن میں پاکستان، عراق، مڈغاسکر اور جاپان کے مسیح رہنماؤں کے نام شامل تھے۔ اس موقع پر پوپ فرانسس کا کہنا تھا کہ کارڈینلز کے عہدوں کا مقصد اور اس کے لیے پادریوں کا انتخاب گرجا گھروں کی یکجہتی کا مظہر ہے۔
