site
stats
سندھ

کراچی کی عوام نے سیاسی جماعتوں کو مسترد کردیا، مصطفیٰ کمال

کراچی : مصطفیٰ کمال کا کہنا ہے کہ آج کراچی میں ہونے والے ضمنی انتخابات میں ووٹنگ ٹرن آؤٹ 6 فیصد رہا اتنا تو جنگل میں بھی مل جاتا ہے۔

آے آر وائی نیوز کے پروگرام الیونتھ آر میں مصطفیٰ کمال نے وسیم بادامی سے گفتگو کرتے ہوئے کہا کہ حقیقتاً کراچی کی عوام نے تمام سیاسی جماعتوں کو مسترد کر کے اپنا مینڈیٹ محفوظ کرلیا ہے۔

ایک سوال کے جواب میں انہوں نے کہا کہ کراچی کے عوام جانتے ہیں کہ قومیت کے نام پر دئیے گئے مینڈیٹ کو ماضی میں کس طرح سے فروخت کیا گیا ہے۔

مصطفی کمال کا مزید کہنا تھا کہ پی ایس 106 اور پی ایس 117 معمولی سیٹیں نہیں ایک ایم کیو ایم کے گھر کی اور دوسری فاروق ستار کے گھر کی سیٹ ہے، اس پر اتنے کم ووٹنگ سے ثابت ہوتا ہے کہ عوام نے ہماری باتوں کی تائید کی ہے۔

مصطفیٰ کمال نے ڈاکٹر فاروق ستار پر تنقید کرتے ہوئے کہا کہ ’’ فاروق ستار ایم کیو ایم کی قیادت سنبھالنے کے چکر میں ہیں، مگر بلی کے خواب میں چھپچڑوں کی مترادف ہے۔

اس موقع پر انہوں نے طنزیہ انداز میں ایم کیو ایم کو مبارک باد پیش کرتے ہوئے کہا کہ اگر ہم ڈاکٹر صغیر کو اس نشست پر کھڑا کرتے تو یہ الیکشن چھوڑ کر بھاگ جاتے۔

مصطفیٰ کمال نے اعلان کیا کہ اپنی پارٹی کی تنظیم سازی مکمل کرنے کے بعد 2018 کے انتخابات میں حصہ لینے کے لیے عوام سے رابطہ کریں گے۔

پروگرام کے ذریعے مصطفیٰ کمال نے کراچی کے عوام کو خراج تحسین پیش کرتے ہوئے کہا کہ کراچی کے عوام جانتے ہیں کہ کسی سیاسی جماعت نے کراچی کے لیے کچھ نہیں کیا ورنہ آج کراچی کی اتنی بری صورتحال نہیں ہوتی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top