کراچی میں گاڑی روکنے پر خاتون نے ڈی ایس پی کو تھپڑ رسید کردیا۔
اے آر وائی نیوز کے مطابق کراچی میں ٹریفک پولیس کی رنگین شیشے، فینسی نمبر والی گاڑیوں کے خلاف کارروائیاں جاری ہیں۔
پی آئی ڈی سی ٹریفک سیکشن پر خاتون کو جب فینسی نمبر پلیٹ اور ٹنٹڈ گلاسز نصب کرنے پر روکا گیا تو انہوں نے ڈی ایس پی افتخار آرائیں سے بدتمیزی کی۔
سی سی ٹی فوٹیج میں دیکھا گیا کہ کار سوار مشتعل خاتون ڈی ایس پی کو دھکے دیتی رہی اور انہیں تھپڑ بھی مار دیا۔
ذرائع کا بتانا ہے کہ واقعہ صبح کے وقت پیش آیا تھا لیکن پولیس کی جانب سے خاتون کے خلاف کوئی کارروائی نہیں کی گئی۔
پولیس کا کہنا ہے کہ خاتون نے معافی مانگ لی جس کے بعد معاملہ رفع دفع کردیا گیا ہے۔
بعدازاں خاتون کے خلاف ڈی ایس پی کی مدعیت میں تھانہ سول لائن میں مقدمہ درج کرلیا گیا ۔
مقدمے میں کار سرکار میں مداخلت ، افسر پر ہاتھ اٹھانے، سگنل توڑنے ودیگر دفعات شامل کی گئی ہیں۔
ایف آئی آر میں ڈی ایس پی نے موقف اپنایا کہ ڈیوٹی پر تھا ڈاکٹر ضیا الدین احمد روڈ پر لاپروائی سے گاڑی چلانے والے ڈرائیور کو روکا اس کے ہمراہ موجود لیڈیز نے کار سے اتر کہا کہا تم ہمارے نوکر ہوکر ہو جبکہ خاتون نے بھائی کو اثرو رسوخ والا بتایا اور اس کے نام پر دھمکیاں دیتی رہی۔
