کراچی : پی آئی اے کے طیارے کے حادثے میں ایک اور مسافر کی زندگی بچ گئی، بدقسمت طیارے کے حادثے میں زندہ بچ جانے والا خوش نصیب محمد زبیر ہے جو اسپتال میں زیر علاج ہے۔
تفصیلات کے مطابق آج دوپہر کو کراچی ایئر پورٹ کے قریب پی آئی اے کے طیارے کو پیش آنے والے حادثے کا دوسرا زخمی سامنے آیا ہے، بدقسمت طیارے کے حادثے میں زندہ بچ جانے والاخوش نصیب محمد زبیر نامی مسافر ہے جسے اطبی امداد کی فراہمی کیلئے اسپتال منتقل کیا گیا ہے۔
پی آئی اے کے بدقسمت طیارے کے حادثے میں زندہ بچ جانے والے خوش نصیب محمد زبیر کے ساتھ pic.twitter.com/qYfrJEXANj
— Senator Saeed Ghani (@SaeedGhani1) May 22, 2020
اس حوالے سے صوبائی وزیر سعید غنی نے ٹوئٹر پیغام میں بتایا ہے کہ میری طیارہ حادثے میں زخمی ہونے والے محمد زبیر سے ملاقات ہوئی ہے۔
انہوں نے بتایا کہ محمد زبیر کا 31فیصد جسم جھلس چکا ہے وہ انشااللہ جلد صحت یاب ہوجائیں گے، محمد زبیر بتارہے تھے کہ طیارے نے لینڈنگ کی کوشش کی تھی، محمد زبیر کے مطابق رن وے سے طیارے نے واپسی کی اورحادثہ ہوگیا۔
مزید پڑھیں : طیارہ حادثہ میں بینک آف پنجاب کے صدر معجزانہ طور پر محفوظ
واضح رہے کہ اس سے قبل کراچی میں طیارہ حادثے میں خوش قسمتی سے بینک آف پنجاب کے صدر ظفر مسعود کی زندگی بھی بچ گئی تھی، ظفر مسعود کو زخمی حالت میں اسپتال منتقل کیا،انہوں نے اپنی والدہ کو فون کرکے اپنی خیریت سے آگاہ کیا۔
