کراچی: پلانٹ پروٹیکشن ڈیپارٹمنٹ کے 15 جہاز مختلف اداروں کو عطیہ کرنے کا فیصلہ کیا گیا ہے۔
مختلف اداروں کو پلانٹ پروٹیکشن ڈیپارٹمنٹ کے 15 جہاز عطیہ کیے جائیں گے، گراؤنڈ طیاروں میں 8 سیسنا اے 185 ایف طیارے موجود ہیں جبکہ 7 فلیچر ساختہ طیارے بھی شامل ہیں۔
ذرائع نے بتایا کہ مذکورہ طیارے مختلف اداروں کو تعلیمی اور ڈسپلے مقاصد کےلیے دیے جائیں گے۔
طیارے فصلوں اور حفظان صحت سے متعلق اسپرے، فضائی فوٹو گرافی، انسداد منشیات آپریشن اور مصنوعی بارش کےلیے استعمال کیے جاتے رہے ہیں۔
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں