site
stats
پاکستان

کراچی: کورنگی انڈسٹریل ایریا میں پلاسٹک کی فیکڑی میں آتشزدگی

کراچی: صنعتی علاقے کورنگی انڈسٹریل ایریا میں پلاسٹک کی فیکٹری میں لگنے والی آگ کئی گھنٹوں بعد بھی نہیں بجھائی جاسکی۔

تفصیلات کے مطابق کراچی کے صنعتی علاقے گورنگی انڈسٹریل ایریا میں مرتضی چورنگی کے قریب پلاسٹک فیکٹری میں خوفناک آتشزدگی کے باعث لاکھوں کا سامان جل کر خاکستر ہوگیا۔

زرائع کے مطابق فیکٹری میں اچانک آگ بھڑک اٹھی، جس نے دیکھتے ہی دیکھتے عمارت کے کئی حصوں کو اپنی لیپٹ میں لے لیا۔

ذرائع کا کہنا ہے کہ گودام میں رکھا پلاسٹک سارا سامان جل گیا۔

ریسکیو حکام کے مطابق تمام ملازمین کو باحفاظت باہر نکال لیا گیا ہے، آگ بجھانے کے لئے چار فائر بریگیڈ کی گاڑیاں جائے وقوع پر پہنچیں تاہم ہمیشہ کی طرح عملے کو آگ بجھانے کے لئے پانی کی قلت کا سامنا رہا۔


مزید پڑھیں : کراچی: پرانا حاجی کیمپ میں لکڑی کے گودام میں آتشزدگی


یاد رہے کہ دو روز قبل بھی پرانا حاجی کیمپ میں لکڑی کے گودام میں لگنے والی آگ پر ڈیڑھ گھنٹے بعد قابو پالیا گیا، کوئی جانی نقصان نہیں ہوا، لاکھوں روپے مالیت کی لکڑی اور دیگر سامان جل گیا تھا۔

آگ بجھانے کے عمل میں فائر بریگیڈ کی دس گاڑیوں اور ایک باؤزر نے حصہ لیا ، ڈیڑھ گھنٹے کی جدوجہد کے بعد آگ پر قابو پالیا گیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top