کراچی: سندھ پولیس نے منشیات فروشی کے خلاف اہم کامیابی حاصل کی ہے، پولیس مقابلے میں بدنام زمانہ مارا گیا ہے۔
پولیس کی جانب سے جاری بیان کے مطابق اٹھائیس دسمبر کو سائٹ سپرہائی وے فقیرا گوٹھ میں پولیس اور منشیات فروشوں کے درمیان فائرنگ کا تبادلہ ہوا، اس دوران منشیات فروشوں نے پولیس پر جوابی فائرنگ کی، پولیس نے بھی موثر حکمت عملی اپناتے ہوئے انتہائی مطلوب منشیات فروش دادن ابڑو کو مقابلے میں ہلاک کردیا۔
پولیس کے مطابق مقابلے کے بعد پولیس کو ملزم دادن ابڑو کی لاش اور کلا شنکوف ملی، مقابلے میں سائٹ سپرہائی وے پولیس نے دو زخمیوں سمیت آٹھ افراد کو گرفتار کیا تھا، ملزمان کے قبضے سے دو کلاشنکوف ، 8پستول ،گولیاں،120کلوچرس،8موٹرسائیکلیں برآمد کیں گئیں، پولیس نے دو فرار ملزمان کی تلاش میں جنگل کو آگ لگا دی تھی۔
یہ بھی پڑھیں: کراچی : ملزمان کا تعاقب کرتے ہوئے پولیس کا انوکھا فیصلہ
پولیس کے مطابق ہلاک ملزم قتل ،اقدام قتل، پولیس مقابلے، بھتہ خوری میں پولیس کو مطلوب تھا، دادن ابڑو کے خلاف مختلف تھانوں میں تیس سے زائد مقدمات درج ہیں۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔