کراچی : پولیس نے ڈکیتی اور دیگر وارداتوں میں ملوث ملزمان کو گرفتار کر کے اسلحہ برآمد کرلیا، گرفتار شدگان میں دو برقع پوش ڈاکو بھی شامل ہیں، جنہیں علاقہ مکینوں نے رنگے ہاتھوں پکڑ کر پولیس کے حوالے کیا۔
تفصیلات کے مطابق پیر آباد تھانے کے پولیس نے کامیاب کارروائی کرتے ہوئے دو برقع پوش ڈکیت کو ڈکیتی کرتے ہوئے رنگے ہاتھوں گرفتار کرلیا ہے۔
پیرآباد پولیس کو بذریعہ 15کال اطلاع موصول ہوئی کہ دو برقع پوش ملزم اکرم نیازی نامی شہری کے گھر میں ڈکیتی کر رہے ہیں اور بچوں کو تشدد کا نشانہ بھی بنا رہے ہیں۔
پولیس نے بروقت فوری کاروائی کرتے ہوئے کامیابی کے ساتھ دوملزمان جنید ولد اللہ تھاریو اور شفیع ولد شاہ عالم کو گرفتار کرکے قبضے سے اسلحہ پستول چری اور دیگر سامان برآمد کرلیا۔ پولیس نے واقعہ کی رپورٹ درج کرکے مزید تفتیش شروع کر دی۔
دوسری جانب گلستان جوہر میں پولیس نے کارروائی کرکے تین ملزمان کو گرفتار کرلیا، پولیس کے مطابق ملزمان کے قبضے سے اسلحہ، نقدی اور نشہ آوراشیاء برآمد کرلیں، ملزمان نے اسٹریٹ کرائم کی وارداتوں میں ملوث ہونے کا اعتراف کیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں