The news is by your side.

کراچی : پولیس اور رینجرز کا سرچ آپریشن، 12مشتبہ افراد گرفتار

کراچی : منگھوپیر پختون آباد میں پولیس اور رینجرز نے سرچ آپریشن کے بعد بارہ مشتبہ افراد کو حراست میں لے لیا.

تفصیلات کے مطابق کراچی کے علاقے منگھوپیر پختون آباد میں پولیس اور رینجرز نے جرائم پیشہ افراد کی موجودگی کی اطلاع پر سرچ آپریشن کیا، آنے اور جانے والے راستوں کو بند کرکے گھر گھر تلاشی کے بعد بارہ مشتبہ افراد کو حراست میں لے لیا گیا، حراست میں لیئے گئے افراد میں افغان باشندے بھی شامل ہیں جن سے پوچھ گچھ کی جارہی ہے.

دوسری جانب کراچی کے مختلف علاقوں میں رات سے اب تک فائرنگ کے مختلف واقعات میں دو افراد ہلاک ہوگئے.

لیاری آگرہ تاج کالونی سے ایک شخص کی لاش ملی، مقتول کو فائرنگ کرکے قتل کیا گیا اورنگی ٹاؤن رئیس امروہی کالونی میں فائرنگ سے ایک شخص ہلاک ہوگیا جس کی شناخت سرفراز کے نام سے ہوئی، پولیس کے مطابق واقعہ ذاتی دشمنی کا شاخسانہ معلوم ہوتا ہے، مزید تفتیش کی جارہی ہے.

Print Friendly, PDF & Email

Comments

comments

یہ بھی پڑھیں