The news is by your side.

Advertisement

کراچی کے مختلف علاقوں میں پولیس کی کارروائیاں‘ 12 ملزمان گرفتار

کراچی : شہر قائد کے مختلف علاقوں میں پولیس نے کارروائیاں کرتے ہوئے 12 ملزمان کو گرفتار کرکے اسلحہ برآمد کرلیا۔

تفصیلات کے مطابق لانڈھی اور کورنگی انڈسڑیل ایریا میں پولیس نے کاررائیوں کے دوران دو مفرور ملزمان اور ایک ملزم کو گرفتارکرکے ان کے قبضے ہیروئن برآمد کرلی۔

دوسری جانب کورنگی اور عوامی کالونی میں بھی پولیس نے کارروائیاں کرتے ہوئے دو اسٹریٹ کرمنلز کو گرفتار کرکے اسلحہ برآمد کرلیا۔

ادھر سلطان آباد اور مچھر کالونی میں پولیس کے ٹارگٹڈ آپریشن میں پانچ منشیات فروش گرفتار ہوئے تاہم ایک ملزم فرار ہوگیا، ملزمان سے سوا چار کلو منشیات برآمد ہوئی۔

پولیس حکام کے مطابق ناظم آباد میں گھر سے پھندا لگی لاش ملی ہے، خودکشی کرنے والے کا ذہنی توازن درست نہیں تھا میڈیکل رپورٹ کے بعد ہی موت کا تعین ہوگا۔

کراچی کے مختلف علاقوں میں پولیس کی کارروائیاں‘ 8 ملزمان گرفتار

یاد رہے کہ دو روز قبل کراچی کے مختلف علاقوں میں پولیس نے کارروائیاں کرتے ہوئے 14 ملزمان کو گرفتار کرکے اسلحہ برآمد کیا تھا۔

کراچی میں پولیس کی کارروائیاں‘ 9 ملزمان گرفتار

واضح رہے کہ گزشتہ ہفتے 4 نومبر کو شہر قائد کے مختلف علاقوں میں پولیس نے کارروائیاں کرتے ہوئے 9 ملزمان کو گرفتار کرکے اسلحہ برآمد کیا تھا۔

Comments

comments

یہ بھی پڑھیں