The news is by your side.

کراچی کےمختلف علاقوں میں پولیس کی کارروائیاں‘ 16 ملزمان گرفتار

کراچی: شہر قائد کے مختلف علاقوں میں پولیس نے کارروائیاں کرتے ہوئے 16 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کے علاقے تیمیوریہ سے موٹرسائیکل چھیننے اور چوری میں ملوث 6 ملزمان کو گرفتارکرلیا۔

پولیس حکام کے مطابق گرفتار ملزمان سے اسلحہ، منشیات اورمسروقہ سامان برآمد کرلیا گیا۔

دوسری جانب پولیس نے پاپوش، گلبہاراورشاہراہ نورجہاں کے اطراف میں سرچ آپریشن کے دوران 20 مشتبہ افراد کو بھی حراست میں لے لیا۔

ادھر کراچی کے علاقے ڈاکس اور مچھرکالونی میں پولیس نے کارروائیوں کے دوران 10 ملزمان کو گرفتار کرلیا، ملزمان میں 8 جواری، خاتون منشیات فروش اوراسٹریٹ کرمنل شامل ہے۔

ایس ایس پی سٹی سمیع اللہ کے مطابق گرفتار ملزمان سے اسلحہ، نقدی اورمنشیات برآمد کی۔

کراچی: عزیزآباد میں ڈاکوؤں کی فائرنگ‘ پولیس اہلکار زخمی


یاد رہے کہ 24 نومبرکو رات گئے کراچی کےعلاقے عزیزآباد میں پولیس اہلکار پر فائرنگ کرنے والے ایک ملزم کو گرفتار کرلیا گیا تھا۔

ایس ایس پی سینٹرل کے مطابق اہلکار پرفائرنگ میں ملوث ملزم کو گلشن اقبال سے گرفتار کرکے اسلحہ اور موٹرسائیکل برآمد کی تھی۔

Comments

یہ بھی پڑھیں