The news is by your side.

Advertisement

کراچی پولیس کی کارروائی، 2 ملزمان گرفتار

تفصیلات کے مطابق کراچی کے علاقے سولجر بازار میں پولیس نے کارروائی کے دوران 2 ملزمان کو گرفتار کرکے اسلحہ اور چوری کی گئی موٹرسائیکل برآمد کرلی۔

پولیس کے مطابق ملزمان کو سی سی ٹی وی فوٹیج کی مدد سے گرفتار کیا گیا، ملزمان کا گروپ اسٹریٹ کرائم کی متعدد وارداتوں میں ملوث ہے۔

پولیس حکام کے مطابق ملزمان کا گروہ 6 افراد پر مشتمل ہے، ملزمان کے 4 ساتھی فرار ہوگئے۔

دوسری جانب ایس ایس پی سینٹرل کا کہنا ہے کہ نصرت بھٹو کالونی میں فائرنگ سے زخمی ہونے والا شخص ڈاکو تھا، ملزم عامر ساتھی عدنان کے ساتھ کہیں جا رہا تھا عدنان سے گولی چل گئی، گولی لگنے سےعامر زخمی ہوا۔

ایس ایس پی عارف اسلم کے مطابق عدنان موقع سے فرار ہوگیا، جس پستول سے گولی چلی وہ زخمی ڈاکو عامر کا ہے، عدنان اپنے ہمراہ پستول بھی لے گیا۔

کراچی پولیس کی کارروائی، جعلی سیکیورٹی کمپنی بنا کر عوام کو لوٹنے والے ملزمان گرفتار

یاد رہے کہ گزشتہ ماہ 20 ستمبر کو کراچی پولیس نے نیو ٹاؤن کے علاقے میں کارروائی کرتے ہوئے جعلی سیکیورٹی کمپنی بنا کر عوام کو لوٹنے والے 5 ملزمان کو گرفتار کیا تھا۔

پولیس نے جعلی سیکیورٹی کمپنی کے دفتر سے درجنوں موٹر سائیکلیں اور غیرقانونی اسلحہ برآمد کیا تھا، کارروائی کے دوران مختلف اقسام کے ہتھیار برآمد کیے گئے تھے۔

Comments

comments

یہ بھی پڑھیں