تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی پولیس کی بڑی کارروائی، کالعدم تنظیم کے 4 دہشت گرد گرفتار

کراچی: کراچی پولیس نے بڑی کارروائی کرتے ہوئے شہر قائد کو بڑی تباہی سے بچالیا۔

ایس ایس پی کیماڑی فدا حسین جانوری کے مطابق شیرشاہ پولیس نے پراچہ قبرستان میں انٹیلی جنس بیسڈ پر کارروائی کی، کارروائی کے دوران کالعدم بلوچ لبریشن آرمی اور تحریک طالبان پاکستان کے 4 دہشتگردوں کو گرفتار کرلیا گیا۔

فداحسین جانوری نے بتایا کہ گرفتار مبینہ دہشت گردوں میں ریان عرف ریو ، افضل، شمیم خان عرف فیصل عرف شاہ حسین، مزمل زیب عرف نذر شامل ہے۔

ایس ایس پی کیماڑی نے بتایا کہ ریان عرف ریو بین الاقوامی سزا یافتہ ملزم ہے، ملزم سعودی عرب میں منشیات کیس میں گرفتارہوچکاہے۔

فداحسین جانوری کا کہنا تھا کہ مبینہ دہشتگرد قبرستان میں چھپےہوئےتھے، ملزمان سے3 پستول، منشیات اور موٹر سائیکل برآمد کی گئی ہے۔

یہ بھی پڑھیں: کراچی میں سیکیورٹی ادارے کی بڑی کارروائی، ریڈ بک کا مطلوب ملزم گرفتار

واضح رہے کہ گذشتہ ماہ کراچی میں سیکیورٹی ادارے نے بڑی کارروائی کرتے ہوئے ریڈ بک کے مطلوب ملزم ظہور مہدی کو نجی اسپتال میں کارروائی کےدوران حراست میں لیا تھا۔

ذرائع کا کہنا تھا کہ ظہور مہدی کا نام سی ٹی ڈی کی انتہائی مطلوب افراد کی فہرست میں شامل ہے اور یہ دہشت گرد محمد علی چھوٹا کی مالی معاونت میں مبینہ طور پر ملوث رہا ہے۔

Comments

- Advertisement -