The news is by your side.

Advertisement

کراچی: پولیس کی مختلف علاقوں میں کارروائیاں‘ 6 ملزمان گرفتار

کراچی : شہرقائد کے مختلف علاقوں میں پولیس نے کارروائیاں کرتے ہوئے 6 ملزمان کو گرفتار کرکے اسلحہ برآمد کرلیا۔

تفصیلات کے مطابق کراچی کے علاقے اسٹیل ٹاؤن میں پولیس نے فوری کارروائی کرتے ہوئے چار ڈاکوؤں کو گرفتار کرکے اسلحہ برآمد کرلیا۔

پولیس حکام کے مطابق ملزمان نے اسٹیل ٹاون میں ڈاکٹر کی فیملی کو لوٹا تھا، لوٹ مار کی اطلاع پر پولیس نے ملزمان کا تعاقب کیا اور 4 ڈاکوؤں کو گرفتار کرلیا جبکہ دو فرار ہونے میں کامیاب ہوگئے۔

پولیس حکام کا کہنا ہے کہ گرفتار ملزمان کے قبضے سے اسلحہ، لوٹی ہوئی رقم اورموبائل فونزبرآمد ہوئے ہیں۔

دوسری جانب کراچی کے علاقے سمن آباد میں پولیس نے کارروائی کرتے ہوئے دو ملزمان ارسلان احمد اور ابراہیم شامل ہیں۔ گرفتار ملزمان کے قبضے سے اسلحہ اور مختلف اقسام کے بم کے پیکٹ برآمد ہوئے ہیں۔

جدید ٹیکنالوجی کا استعمال، کراچی پولیس نے خطرناک ملزم کو گرفتارکرلیا

خیال رہے کہ گزشتہ ماہ 18 مارچ کو کراچی پولیس نے جدید ٹیکنالوجی کا استعمال کرکے خطرناک ملزم کو گرفتار کیا تھا ملزم کی شناخت سی سی ٹی وی فوٹیج سے کی گئی تھی۔

نجی کمپنی کا ملازم فائرنگ سے جاں بحق

یاد رہے کہ رواں ماہ 10 اپریل کو شہر قائد میں موٹر سائیکل سوار مسلح افراد نے کیش وین لوٹنے میں ناکامی پر نجی کمپنی کے ملازم کوموت کے گھاٹ اتاردیا تھا، واردات کے بعد ملزمان باآسانی فرار ہونے میں کامیاب ہوگئے تھے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں