The news is by your side.

Advertisement

کراچی پولیس کی کارروائی، ایم کیو ایم لندن کا ٹارگٹ کلر عدنان عرف ملا گرفتار

کراچی: شہر قائد کے علاقے کورنگی ڈھائی نمبر میں پولیس نے کامیاب کارروائی کرتے ہوئے ایم کیو ایم لندن کا ٹارگٹ کلر گرفتار کرلیا۔

تفصیلات کے مطابق کراچی کے علاقے کورنگی میں پولیس نے خفیہ اطلاع پر کارروائی کرتے ہوئے ایم کیو ایم لندن کے ٹارگٹ کلر عدنان عرف ملا کو گرفتار کرلیا، ملزم عدنان کے ایم سی کا ملازم اور ملیر کا سیکٹر ممبر رہ چکا ہے۔

ایس ایس پی فیصل عبداللہ چاچڑ کا کہنا ہے کہ ملزم عدنان کے ایم سی میں نائب قاصد بھرتی ہوا اور مفروری میں ہی گریڈ 14 تک پہنچ گیا تھا۔

پولیس کے مطابق ملزم انسپکٹر ذیشان کاظمی پر حملے میں بھی ملوث رہا، ملزم سعود آباد سمیت مختلف علاقوں میں قتل کی وارداتیں کرچکا ہے۔

مزید پڑھیں: کراچی، گھروں کے باہر ڈکیتیاں کرنے والے گروہ کا کارندہ گرفتار

ایس ایس پی کا کہنا ہے کہ ملزم کئی مقدمات میں عدالتوں سے اشتہاری قرار دیا جاچکا ہے۔

پولیس کا کہنا ہے کہ ملزم 2002 سے 2012 تک مانسہرہ اور راولپنڈی میں مفرور رہا ہے، ملزم اپنی رہائش بھی تبدیل کرتا رہتا تھا۔

واضح رہے کہ کراچی کی پولیس نے بریگیڈ کے علاقے میں گھر کے باہر شہری کو لوٹنے والے کارندے کو گرفتار کیا تھا، ملزم کی گرفتاری سی سی ٹی وی فوٹیج کی مدد سے عمل میں آئی تھی۔

یاد رہے کہ رینجرز نے کراچی کے مختلف علاقوں میں کارروائیاں کرتے ہوئے 10 ملزمان کو گرفتار کرکے مسروقہ سامان برآمد کیا تھا۔

خیال رہے کہ اینٹی کرپشن ساؤتھ زون پولیس نے کارروائی کرتے ہوئے کے ایم سی ملازم ذوالفقار علی کو رشوت لیتے ہوئے رنگے ہاتھوں گرفتار کرکے مقدمہ درج کیا تھا ۔

Comments

comments

یہ بھی پڑھیں