The news is by your side.

Advertisement

کراچی پولیس کی کارروائی، ایم کیو ایم لندن کا ٹارگٹ کلر گرفتار

کراچی: شہر قائد کے علاقے ملیر کھوکھراپار میں پولیس نے کامیاب کارروائی کرتے ہوئے ایم کیو ایم لندن کے ٹارگٹ کلر کو گرفتار کرلیا۔

تفصیلات کے مطابق کراچی کے علاقے ملیر کھوکھراپار میں پولیس نے خفیہ اطلاع پر کارروائی کرتے ہوئے ایم کیو ایم لندن کے ٹارگٹ کلر رضا الدین عرف رضا بھائی کو گرفتار کرلیا۔

پولیس کے مطابق ملزم نے اے ایس آئی سمیت دو پولیس اہلکاروں کو ہلاک کیا تھا، ملزم رضا الدین ملیر سیکٹر کی ٹارگٹ کلنگ ٹیم کا انچارج تھا۔

واضح رہے کہ آج صبح کراچی کے علاقے گلبہار میں مبینہ پولیس مقابلے میں ایک ملزم مارا گیا تھا اور 2 زخمی ہوگئے تھے۔

ملزمان کی فائرنگ سے پولیس اہلکار بھی زخمی ہوا تھا، پولیس کا کہنا تھا کہ ملزمان توصیف، راقب اور آصف سگے بھائی ہیں، دوستوں کے ساتھ مل کر ڈکیتیاں کرتے تھے۔

مزید پڑھیں: کراچی: پولیس مقابلے میں 1 ڈاکو ہلاک، 2 زخمی

ایس ایس پی عارف اسلم کا کہنا تھا کہ تینوں ملزمان گھر میں ڈکیتی کی نیت سے داخل ہوئے تھے، ملزمان کچھ عرصہ قبل ہی جیل سے رہا ہوکر آئے تھے۔

یاد رہے کہ گزشتہ ماہ کراچی پولیس نے نیو ٹاؤن کے علاقے میں کارروائی کرتے ہوئے جعلی سیکیورٹی کمپنی بنا کر عوام کو لوٹنے والے 5 ملزمان کو گرفتار کیا تھا۔

رپورٹ کے مطابق کارروائی کے دوران پولیس نے جعلی سیکیورٹی کمپنی کے دفتر سے درجنوں موٹر سائیکلیں اور غیرقانونی اسلحہ برآمد کیا تھا، کارروائی کے دوران مختلف اقسام کے ہتھیار برآمد کیے گئے تھے۔

پولیس نے خاتون پاکستان کالج کے قریب کارروائی کرتے ہوئے سیکیورٹی یونیفارم میں ملبوس ڈکیت گروہ کا سرغنہ آصف کو اس کے 4 ساتھیوں سمیت گرفتار کیا تھا۔

Comments

comments

یہ بھی پڑھیں