The news is by your side.

Advertisement

کراچی، موبائل فون کی واپسی پر خاتون سے رقم مانگنے والا ٹیکسی ڈرائیور گرفتار

کراچی: شہر قائد میں موبائل فون واپس کرنے کے لیے خاتون سے رقم کا تقاضا کرنے والے آن لائن ٹیکسی ڈرائیور کو پولیس نے گرفتار کرلیا۔

تفصیلات کے مطابق کراچی کے علاقے گلشن اقبال میں خاتون آن لائن گاڑی میں موبائل فون بھول گئی تھیں جس کی واپسی کے لیے خاتون نے آن لائن ٹیکسی ڈرائیور کو کال کی تو وہ رقم کا تقاضا کرنے لگا۔

خاتون کے بھائی نے پولیس سے شکایت کی جس پر ڈرائیور کو گرفتار کرلیا گیا، ملزم کے قبضے سے موبائل فون بھی برآمد کرلیا گیا۔

ایس ایس پی ایسٹ کے مطابق ملزم نے موبائل فون کی واپسی کے لیے خاتون سے 10 ہزار روپے مانگے تھے جبکہ ملزم نشے کا عادی ہے، ٹیکسی ڈرائیور کے خلاف مقدمہ درج کرلیا گیا ہے۔

یہ پڑھیں: کراچی: ٹیکسی میں لڑکی کو ہراساں کرنے کا معاملہ، ڈرائیور گرفتار

آن لائن ٹیکسی ڈرائیور کو ڈکیتی مزاحمت پر زخمی کرنے والا ملزم گرفتار

دوسری جانب آن لائن ٹیکسی ڈرائیور کو ڈکیتی مزاحمت پر زخمی کرنے والے ملزم کو گرفتار کرلیا گیا، ملزم عزیز نے ٹریفک جام میں ڈکیتی مزاحمت پر ڈرائیور کو گولی ماری تھی۔

ملزم نے پولیس کو دیے گئے بیان میں کہا ہے کہ لوٹ مار کے دوران ڈر گیا اور گولی چل گئی، نشے کا عادی ہوں غلطی ہوگئی۔

Comments

comments

یہ بھی پڑھیں