کراچی: سندھ حکومت کی جانب سے موٹر سائیکل کی ڈبل سواری پر عائد پابندی ختم ہونے کے باوجود پولیس نے متعدد نوجوانوں کو حراست میں لے لیا۔
اے آر وائی نیوز کے مطابق کراچی کے علاقے ایئرپورٹ تھانے کی پولیس نے سندھ حکومت کی موٹرسائیکل پر ڈبل سواری کی پابندی ختم ہونے کے بعد متعدد نوجوانوں کو حراست میں لے کر حوالات میں بند کردیا۔
پولیس نے نوجوانوں کو ڈبل سواری کی خلاف ورزی پر حراست میں لیا مگر انہیں ایک چھوڑی سی جگہ پر بند کر کے سماجی فاصلے کی خلاف ورزی بھی کی۔
مزید پڑھیں: وفاق کا سندھ میں لاک ڈاؤن کے خاتمے کا مطالبہ
واضح رہے کہ سندھ حکومت نے گزشتہ روز ڈبل سواری سمیت دیگر پابندیوں کا نوٹی فکیشن جاری کیا تھا، جس کی خلاف ورزی پر پولیس نے آج چالان بھی کیے مگر دوپہر میں ترجمان صوبائی حکومت مرتضیٰ وہاب نے موٹرسائیکل کی ڈبل سواری پر عائد پابندی فوراً ختم کرنے کا اعلان بھی کیا تھا۔
