The news is by your side.

Advertisement

کراچی : گھروں میں ڈکیتیاں کرنے والے منظم گروہ کی رکن گرفتار

کراچی : پولیس نے گھروں میں ڈکیتیاں کرنے والے منظم گروہ کی رکن کو گرفتار کرلیا، ملزمہ نے ڈکیتی کی متعدد وارداتوں میں ملوث ہونے کا اعتراف بھی کرلیا ہے۔

تفصیلات کے مطابق کراچی میں ایسٹ انویسٹی گیشن ون نے کارروائی کرتے ہوئے انتہائی مطلوب ملزمہ کو گرفتار کرلیا ، ملزمہ گھروں میں ڈکیتیاں کرنے والے منظم گروہ کی رکن ہے۔

ایس ایس پی نے بتایا کہ ڈکیت گروہ سرکاری اداروں کا نام لیکر گھروں میں داخل ہوتے تھے۔

دوران تفتیش ملزمہ نے ڈکیتی کی متعدد وارداتوں میں ملوث ہونے کا بھی اعتراف کرلیا ، ایس ایس پی کا کہنا تھا کہ ڈکیتی کی زیادہ وارداتیں گلستان جوہر ،سچل میں کی گئیں۔

پولیس حکام نے بتایا کہ ملزمان سرکاری ادارےکاافسربن کر پوچھ گچھ کیلئےپہنچتے تھے اور گھروں میں داخل ہوکر لوٹ مار کرتے تھے۔

حکام کے مطابق ملزمان کے دیگر ساتھیوں کی گرفتاری کیلئے چھاپے مارے جارہے ہیں۔

Comments

یہ بھی پڑھیں