کراچی میں پولیس کی کارروائیاں‘8افرادگرفتار -
The news is by your side.

Advertisement

کراچی میں پولیس کی کارروائیاں‘8افرادگرفتار

کراچی : شہرقائد کے مختلف علاقوں میں پولیس نے کارروائیوں کے دوران آٹھ افراد کو گرفتار کرلیاجبکہ ڈاکوؤں کی فائرنگ سے ایک شخص جان کی بازی ہارگیا۔

تفصیلات کےمطابق کراچی کےعلاقےاورنگی ٹاؤن نمبر دس کےایک گھرمیں ڈاکوگھس آئے اور گھر میں موجود باپ اور دو بیٹوں کو یرغمال بنالیا،ڈکیٹی کے دوران مزاحمت پر ڈاکوؤں نے فائرنگ کردی جس میں تینوں افراد زخمی ہوگئے۔

ڈاکوؤں کی فائرنگ میں زخمی ہونے والا شبیر زخموں کی تاب نہ لاتے ہوئے جاں بحق ہوگیا،جبکہ اس کے دونوں بیٹوں کو طبی امداد کے لیے اسپتال منتقل کردیاگیا۔

دوسری جانب کراچی میں مبینہ ٹاؤن پولیس نےاسٹریٹ کرائم میں ملوث چار ملزمان کوگرفتار کر کے ان کے قبضے سے اسلحہ،نقدی اورموبائل فون برآمدکرلیے۔ پولیس حکام کے مطابق گرفتار ملزمان کی شناخت سجاد، بلال، قاسم، ساجد کے نام سے ہوئی ہے اور اُن کے قبضے سے چھینی ہوئی موٹر سائیکل بھی برآمد کی گئی ہے جبکہ ملزمان نے دوران تفتیش متعدد وارداتوں کا اعتراف کرلیا ہے۔

ادھر موچکو پولیس نےڈکیٹی کی متعدد وارداتوںمیں ملوث چار ملزمان کوگرفتار کے اسلحہ برآمد کرلیا۔

مزید پڑھیں:کراچی پولیس کی کارروائیاں،1 ملزم ہلاک،متعدد گرفتار

واضح رہےکہ گزشتہ ہفتےکراچی کےمختلف علاقوں میں‌ پولیس نے کاروائیاں کرتے ہوئےایک مطلوب ڈاکو کو ہلاک اور 4 ملزمان کو گرفتار کرلیاتھا۔

Comments

comments

یہ بھی پڑھیں