The news is by your side.

Advertisement

کراچی : پولیس کی کارروائیاں، پانچ ملزمان گرفتار

کراچی : شہر قائد میں پولیس نے مختلف علاقوںمیں کارروائی کرکے پانچ ملزمان کو گرفتار کرلیا،ملزمان کے قبضے سے اسلحہ اور مسروقہ موٹرسائیکل برآمد کرلی گئی.

تفصیلات کے مطابق اتحاد ٹاؤن پولیس نے بلدیہ کے علاقے جھنگوی چوک پر مقابلے کے بعد ایک زخمی سمیت دو ملزمان کو گرفتار کر کے اسلحہ اور بغیر نمبر پلیٹ موٹر سائیکل برآ مد کر لی.

ایس پی بلدیہ کا کہنا ہے کہ زخمی حالت میں گرفتار ہونے والا ملزم محمد مگسی اغوا برائے تاوان اور موٹر سائیکل لفٹنگ کی متعدد وارداتوں میں پولیس کو مطلوب اور اس کا گرفتار ساتھی واجد اسٹریٹ کرمنل ہے.

دوسری جانب گلشن پولیس نے ایک چھاپہ مار کاروائی میں دو ملزمان فیصل اور شہباز کو گرفتار کر کے اسلحہ برآمد کر لیاجبکہ دوسری کاروائی میں دومغویوں محمد اشعر اور سبطین کو بازیا ب کرالیا.

پولیس کا کہنا ہے کہ دونوں مغویوں کو اغوا کاروں نے گلشن اقبال بلاک 3 سے گزشتہ شام اغوا کیا تھا،جس پر پولیس نے بروقت کاروائی کرتے ہوئے ملزمان کے تعاقب کے بعد بلاک 10 سے دونوں مغویوں کو بازیا ب کرا لیا،تاہم ملزمان موقع سے فرار ہو گئے.

ادھر شیر شاہ کے علاقے میں ایک ملزم کا مران خان عوام کے ہتھے چڑھ گیا،جسے علاقہ مکینوں نے تشدد کے بعد پولیس کے حوالے کر دیا،جبکہ بلدیہ سعید آباد میں نا معلوم ٹینکر کی ٹکر سے دو پولیس اہلکار ارشد اور عتیق الرحمٰن زخمی ہوگئے،دونوں اہلکاروں کو اسپتال منتقل کردیاگیا.

Print Friendly, PDF & Email

Comments

comments

یہ بھی پڑھیں