کراچی: مختلف علاقوں میں پولیس مقابلے، دو ملزمان گرفتار، اسلحہ برآمد۔گرفتاریاں
The news is by your side.

Advertisement

کراچی: مختلف علاقوں میں پولیس مقابلے، دو ملزمان گرفتار، اسلحہ برآمد

کراچی: شہرقائد کے دو مختلف علاقوں میں پولیس مقابلوں کے نتیجے میں 2 ملزمان زخمی حالت میں گرفتار ہوگئے۔

تفصیلات کے مطابق کراچی کے علاقے کورنگی اور ماڑی پور روڈ پر پولیس مقابلے ہوئے، جس کے باعث دو ملزمان کی گرفتاری عمل میں آئی اور اسلحہ بھی برآمد ہوا۔

پولیس حکام کا کہنا ہے کہ کورنگی میں پولیس مقابلے کے نتیجے میں ملزم زخمی حالت میں گرفتار ہوا، ملزمان شہری سے لوٹ مار کررہے تھے، ملزم کا ساتھی فرار ہونے میں کامیاب ہوگیا۔

پولیس کے مطابق گرفتار ملزم کی شناخت ایوب کے نام سے ہوئی، جس کے پاس سے اسلحہ برآمد ہوا۔

دوسری جانب کراچی کے علاقے ماڑی پور روڈ کے پولیس اور ملزمان کے درمیان فائرنگ کا تبادلہ ہوا۔

کراچی میں پولیس مقابلہ‘ 2 ٹارگٹ کلرہلاک

پولیس کا کہنا تھا کہ اہلکاروں کی جانب سے بھرپور جوابی کارروائی کی گئی جس کے باعث ملزم زخمی حالت میں گرفتار ہوا۔

علاوہ ازیں ریسکیو ذرائع کا کہنا ہے کہ اورنگی ٹاؤن بدھ بازار کے قریب فائرنگ سے ایک شخص زخمی ہوا ہے۔

خیال رہے کہ گذشتہ ہفتے کراچی میں ابوالحسن اصفہانی روڈ پر اسکاؤٹ کالونی کے قریب پولیس مقابلے میں دو ٹارگٹ کلر ہلاک ہوگئے تھے۔

یاد رہے کہ گذشتہ ماہ کراچی میں پولیس نے کارروائی کرتے ہوئے متحدہ قومی موومنٹ(لندن) سے تعلق رکھنے والے دو ٹارگٹ کلر کو گرفتارکیا تھا، ملزمان نے 6 افراد کے قتل کا اعتراف بھی کیا تھا۔

Comments

comments

یہ بھی پڑھیں