The news is by your side.

Advertisement

کراچی میں پولیس کی کارروائیاں‘ 18 ملزمان گرفتار

کراچی: شہر قائد کے مختلف علاقوں میں پولیس نے کارروائیاں کرتے ہوئے 18 ملزمان کو گرفتار کر کے اسلحہ برآمد کرلیا۔

تفصیلات کے مطابق کراچی کےعلاقے مومن آباد اور گلشن حدید میں پولیس نے6 ملزمان کو گرفتار کرکے اسلحہ ، چھینی گئی موٹرسائیکل اور دیگرسامان برآمد کرلیا۔

بوٹ بیسن پولیس نے شیشہ مافیا کے پانچ کارندے گرفتار کرکےاکتیس مضر صحت شیشے برآمد کیے۔ محمود آباد پولیس نے دو منشیات فروش گرفتار کرکے بھاری مقدار میں منشیات برآمد کیں۔

ایس ایس پی سینٹرل محمد عارف اسلم راؤ کی سربراہی میں حیدری مارکیٹ پولیس نے منشیات فروش گرفتار کرکے ایک کلو سے زائد چرس برآمد کرلی۔ گلبہار پولیس نے منشیات فروش گرفتارکرکے ایک کلو سے زائد منشیات برآمد کی۔

پولیس نے کراچی اکیڈمی کے قریب مقابلے کے دوران دو ملزمان زخمی حالت میں گرفتار کیے، ملزمان سے دوپستول چھینے گئے موبائل فونز کیش اورموٹر سائیکل برآمد کرلی گئی۔

سی ٹی ڈی کی کورنگی میں کارروائی‘ رئیس ماما کا قریبی ساتھی گرفتار

یاد رہے کہ گزشتہ روز کراچی کے علاقے کورنگی میں سی ٹی ڈی نے کارروائی کے دوران رئیس ماما کے قریبی ساتھی محمد مذمل عرف ہلکا کو گرفتارکیا تھا۔

ایس پی مرتضیٰ بھٹو کے مطابق ملزم نے 2001 میں سیکٹرانچارج کے کہنے پراعجازنامی شخص کی ریکی کی، ملزم نے ساتھیوں کے ساتھ مل کر ریکی کے بعد شہری کوقتل کیا۔

Comments

comments

یہ بھی پڑھیں