The news is by your side.

Advertisement

کراچی : لڑکے سے دوستی پر لڑکی کا قتل ، قاتل گرفتار

کراچی: زمان ٹاؤن پولیس نے22سالہ لڑکی کے قاتل کو گرفتار کرلیا ، پولیس نے بتایا مقتولہ لڑکی کو پڑوسی حسن نے کسی دوسرے لڑکے سے دوستی پر قتل کیا۔

تفصیلات کے مطابق کراچی کے علاقے قیوم آباد کے قریب 22سالہ لڑکی کے قاتل کو گرفتار کرلیا گیا ، زمان ٹاؤن پولیس نے 24 گھنٹے سے قبل قاتل کوگرفتار کیا۔

پولیس کا کہنا ہے کہ مقتولہ لڑکی کو پڑوسی حسن نےکسی دوسرے لڑکےسے دوستی پرقتل کیا، حسن نے گزشتہ روز آخری مرتبہ وارننگ دینے کے لیے بلایا تھا۔

ملزم حسن نے بیان میں کہا کہ شاکر سےمتعلق مجھے اور لڑکی کے گھر والوں کوپتا تھا، میں 12سال سے اسے اور وہ مجھے پسند کرتی تھی، دونوں کےدرمیان ہاتھا پائی کےدوران اسے 2گولیاں لگی۔

ملزم حسن نے بتایا پھر ایک گھنٹے بعد میں واپس گیا اور اس کی لاش کے پاس شناختی کارڈ پھینکے،مجھے لگا لاش ایسی ہی پڑی رہی تو اس کو کوئی پہچانے گا نہیں، سکون نہیں آرہا تھا،اس لئے پہچان کی خاطر شناختی کارڈ لاش کیساتھ رکھا۔

ملزم کا کہنا تھا کہ مجھے بہت پچھتاوا ہورہا ہے مجھ سے بہت بڑی غلطی ہوئی۔

Comments

یہ بھی پڑھیں