کراچی پولیس چیف کی پولیس کے خودکار ہتھیارتبدیل کرنے کی ہدایت -
The news is by your side.

Advertisement

کراچی پولیس چیف کی پولیس کے خودکار ہتھیارتبدیل کرنے کی ہدایت

کراچی : ایڈیشنل آئی جی کراچی ڈاکٹر امیر شیخ نے پولیس کے خودکارہتھیارتبدیل کرنے کی ہدایت جاری کردی۔

تفصیلات کے مطابق کراچی پولیس چیف نے حکم نامہ جاری کیا ہے جس میں پولیس کے خودکار ہتھیار کو تبدیل کرنے کی ہدایت کی گئی ہے۔

حکم نامے کے متن کے مطابق خود کاراسلحہ عوام میں خوف و ہراس کا باعث بنتا ہے، مشاہدہ کیا گیا اتفاقیہ گولی چلنے سے جانی نقصانات بھی ہوئے۔

کراچی پولیس چیف کی جانب سے کہا گیا ہے کہ پولیس پٹرولنگ اوراسکواڈ ڈیوٹی پرمامور اہلکار خود کار اسلحے کی نمائش نہ کریں۔

حکم نامے میں کہا گیا ہے کہ مددگار15 اور موٹرسائیکل اسکواڈ کا اسلحہ بھی تبدیل کیا جائے، موٹرسائیکل اسکواڈ کو سب مشین گن کی جگہ پستول یا ریوالور دیا جائے۔

کراچی پولیس چیف کی جانب سے جاری کی گئی ہدایت کے مطابق اسکواڈ ڈیوٹی پر اہلکاروں کو ایک خودکار اسلحہ اور ایک پستول دیا جائے، پولیس پٹرولنگ پرمامور اہلکارکوایک خودکار اسلحہ اورایک پستول دیا جائے۔

حکم نامے میں پکنک پوائنٹ پرماموراہلکاروں کوبھی ایک خودکاراسلحہ اورپستول دینے کی ہدایت کی گئی ہے۔

مقابلے میں بچی کی ہلاکت پولیس کی گولی سے ہوئی

یاد رہے کہ گزشتہ ماہ کراچی کے علاقے اخترکالونی میں پولیس مقابلے کے دوران 10 سالہ بچی امل جاں بحق ہوگئی تھی۔ ڈی آئی جی پولیس جاوید عالم اوڈھو کا کہنا تھا بچی پولیس اہلکار کی گولی سے جاں بحق ہوئی تھی۔

Comments

comments

یہ بھی پڑھیں