جاوید عالم اوڈھو کو ایک مرتبہ پھر ایڈیشنل آئی جی کراچی تعینات کر دیا گیا۔
تفصیلات کے مطابق کراچی پولیس کے سابق چیف جاویدعالم اوڈھو کی دوبارہ ایڈیشنل آئی جی کراچی تعیناتی کا نوٹیفکیشن جاری کر دیا گیا۔
اس سے قبل موجود چیف عمران یعقوب منہاس کو مارچ میں ایڈیشنل آئی جی کا اضافی چارج دیا گیا تھا۔ عمران یعقوب منہاس ایڈیشنل آئی جی کاؤنٹرٹیررازم ڈپارٹمنٹ تعینات ہیں۔
ان سے قبل خادم حسین رند ایڈیشنل آئی جی کراچی تعینات تھے جنہیں 30 مارچ کو عہدے سے ہٹایا گیا تھا۔ جاوید عالم اوڈھواس سےقبل بھی ایڈیشنل آئی جی کراچی تعینات تھے۔
نذیر شاہ کراچی میں اے آر وائی نیوز سے وابستہ نمائندہ خصوصی ہیں، وہ 16 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔