کراچی: فینسی نمبرپلیٹ، کالے شیشوں کیخلاف کریک ڈاؤن،77افرادگرفتار -
The news is by your side.

Advertisement

کراچی: فینسی نمبرپلیٹ، کالے شیشوں کیخلاف کریک ڈاؤن،77افرادگرفتار

کراچی: پولیس نے فینسی نمبر پلیٹ اور کالے شیشیوں والی گاڑیوں کیخلاف کریک ڈاؤن کرتے ہوئے ستتر افراد کو گرفتار کرکے مقدمہ درج کرلیا ہے، شہریوں کو دوران سفر گاڑی کے کاغذات بھی ساتھ رکھنے کی ہدایت کی گئی ہے۔

کراچی میں چیف جسٹس سندھ ہائیکورٹ کے بیٹے کے اغوا کے بعد انتظامیہ جاگ گئی ہے، شہر کی سڑکوں پر دوڑتی رنگ برنگی نمبر پلیٹ اور کالے شیشوں والی گاڑیوں کیخلاف کریک ڈاؤن شروع کردیا گیا ہے۔

پولیس حکام کے مطابق اولڈ سٹی ایریا، ایم اے جناح روڈ ، ماڑی پور، لیاری ، صدر ،ڈیفنس ، کورنگی ، لانڈھی کے مختلف علاقوں میں پولیس نے کارروائیاں کرتے ہوئے ستتر سے زائد افراد کو گرفتار کرکے ان کے خلاف مقدمہ درج کرلیا ہے۔

پولیس حکام کے مطابق ریٹائرڈ ایس پی کی جعلی نمبر پلیٹ والی گاڑی کو بھی تحویل میں لیا گیا ہے، پولیس موبائل سے مشابہت رکھنے والی گاڑی کو بھی تحویل میں لے لیا گیا ہے۔

پولیس حکام کا کہنا ہے کہ فینسی نمبر پلیٹ اور کالے شیشے والی گاڑیوں کے خلاف کارروائیاں جاری رہیں گی، شہری دوران سفر کاغذات اپنے ساتھ رکھیں اور اصل نمبر پلیٹ لگا کر ڈرائیونگ کریں۔

Comments

comments

یہ بھی پڑھیں