The news is by your side.

Advertisement

کراچی : ایک اور بے گناہ شہری پولیس کی اندھی گولی کا نشانہ بن گیا، ویڈیو منظرعام پر

کراچی : شہر قائد میں ایک بار پھر بے گناہ شہری پولیس کی اندھی گولی کا نشانہ بن گیا، موٹر سائیکل سوار عدیل نے موقع پر جان دے دی، موت سر پر گولی لگنے سے ہوئی۔

تفصیلات کے مطابق کراچی پولیس کی روش نہ بدلی ایک اور مبینہ پولیس مقابلے میں ایک اور شہری قتل ہوگیا۔ کراچی کے علاقے پیرآباد میں پولیس مقابلے کی ویڈیو سامنے آگئی.

پیرآباد نیو میانوالی کالونی میں عید کے روز پولیس مقابلے کے بعد کی ویڈیو میں دیکھاجاسکتا ہے کہ پولیس کی مبینہ فائرنگ سےجاں بحق ہونے والے عدیل کی لاش موٹرسائیکل کے ساتھ موقع پر پڑی ہے۔

اس کے کچھ فاصلے پر پانی میں گرے زخمی ڈاکو کو پولیس اہلکار گرفتاری کے بعد گھسیٹتے ہوئے لے کر جارہے ہیں۔ اتحاد ٹاؤن کا رہائشی مقتول عدیل اپنے بھائی کے ساتھ اس کی سسرال آیا ہوا تھا۔

عدیل کی موت سر پر پولیس فائر لگنے سے ہوئی۔ شہری کی ہلاکت کے بعد موقع پر موجود شہریوں نے فائرنگ کرنے والے اہلکارکو پکڑ بھی لیا تھا۔ اس حوالے سے پولیس حکام کا کہنا ہے کہ اگر اہلکار ذمہ دار پائے گئے تو ان کے خلاف کارروائی کی جائے گی۔

ذرائع کے مطابق کراچی میں ہونے والے پولیس کے کئی مقابلوں کے دوران اندھا دھند فائرنگ کے واقعات میں اب تک کئی بیگناہ شہری جان سے ہاتھ دھو بیٹھے۔

آئی جی سندھ نے واضح ہدایت دے رکھی ہیں کہ گنجان علاقوں میں پولیس مقابلوں کے دوران اسٹیٹ فائرنگ نہ کی جائے۔

Comments

comments

یہ بھی پڑھیں