تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

کراچی پولیس اپنی کارکردگی دکھانے کیلئے جعلی مقابلے کرنے لگی

کراچی : پولیس کے مبینہ طور پر جعلی پولیس مقابلے پھر شروع ہوگئے، پولیس اپنی مایوس کن کارکردگی چھپانے کیلئے اس طرح کے مقابلوں کا ڈرامہ رچانے لگی۔

اس حوالے سے ذرائع کا کہنا ہے کہ ایسٹ زون کے پولیس اہلکار سینئر افسران کو اپنی کارکردگی دکھانے کیلئے جعلی مقابلے کرنے لگے۔

باوثوق ذرائع کے مطابق کراچی کے علاقے سچل میں گزشتہ رات ہونے والا پولیس مقابلہ جعلی نکلا، ملزمان کو پکڑجانے کے بعد انہیں مقابلہ ظاہر کرنے کیلئے زخمی کیا گیا۔

ملزمان کی گرفتاری کی ویڈیو سامنے آگئی، ذرائع کا کہنا ہے کہ پولیس نے گرفتاری کے کچھ دیر بعد ہی ملزمان کو زخمی حالت میں گرفتارکرنے کا دعویٰ بھی کردیا۔

ذرائع کے مطابق پولیس حکام نے گزشتہ رات یہ دعویٰ بھی کیا تھا کہ مذکورہ ملزمان کے قبضے سے اسلحہ بھی برآمد ہوا تھا، اب دیکھنا یہ ہے کہ ایسے پولیس مقابلوں کے ذمہ داران کی پکڑ اور اس کے سدباب کیلئے متعلقہ پولیس افسران کیا مؤقف اختیار کرتے ہیں۔

یاد رہے کہ گزشتہ سال 2021میں بھی اسی طرح کے واقعات رونما ہوئے تھے کہ جس میں پولیس افسران کی جانب سے غیرقانونی سرگرمیوں میں ملوث ہونے کے شواہد ملے۔

ماضی میں کراچی پولیس کی جانب سے شہر کے مختلف علاقوں میں مقابلوں کے دوران ملزمان کو مارنے کے دعوے کیے گئے تاہم بعد ازاں بہت سے واقعات میں مرنے والے افراد بے گناہ عام شہری نکلے۔

Comments

- Advertisement -