The news is by your side.

Advertisement

کراچی میں‌ پولیس فائرنگ سے 2 نوجوان زخمی، 4 اہلکار گرفتار

کراچی: شہر قائد کے علاقے عباس ٹاؤن میں پولیس فائرنگ سے دو شہری زخمی ہوئے، جس کے بعد چار اہلکاروں کو گرفتار کر کے مقدمہ درج کرلیا گیا۔

اے آر وائی نیوز کے مطابق کراچی کے علاقے عباس ٹاؤن میں ناکے پر کھڑی پولیس موبائل کے اہلکاروں فائرنگ سے 2 موٹرسائیکل سوار شہری زخمی ہوئے۔

پولیس حکام کے مطابق  ابتدائی طورپرڈاکوؤں سے مقابلے کی اطلاع موصول ہوئی، جس کے بعد ڈویژنل افسر نے موقع کا دورہ کیا تو واقعے کا معمہ کھل کر سامنے آیا کیونکہ ملزمان کے قبضے سے اسلحہ یا چھینی گئی اشیا برآمد نہیں کی گئیں تھیں۔

پولیس حکام نے مطابق ڈویژنل افسر نے مشکوک مقابلے سے متعلق اعلیٰ حکام کو آگاہ کیا اور ایس پی گلشن کو تحقیقات کی ذمہ داری سونپ دی۔ انکوائری ہونے پر پولیس مقابلےکے مقدمےکا اندارج روک دیا گیا، اہلکاروں نے تفتیشی افسر کو بتایا کہ موٹرسائیکل سواروں کے نہ رکنے پر فائرنگ کی کیونکہ کہ گماں ہوا کہ شاید یہ ڈاکو ہیں۔

پولیس حکام کے مطابق انکوائری میں پولیس اہلکار غفلت کے مرتکب پائےگئے، جس کے بعد ملوث اہلکاروں اصغر علی، عبدالقادر، صابر اور ڈرائیور بہادر کو گرفتار کر کے مقدمہ درج کرلیا گیا۔

Comments

یہ بھی پڑھیں