site
stats
سندھ

کراچی پولیس نے شہر میں لوٹ مارکی سالانہ رپورٹ جاری کردی

کراچی : پولیس نے اس سال سڑکوں پرلٹنے والوں کاریکارڈ جاری کردیا، کتنی گاڑیاں اور موٹر سائیکل چھینیں، کتنے لوگ موبائل فون سے محروم ہوئے۔

تفصیلات کے مطابق کراچی پولیس نے دوہزار پندرہ میں چھینی جانے والی گاڑیوں ،موٹر سائیکلوں اور موبائل فونز کی رپورٹ تو جاری کردی۔ لیکن ان جرائم کو روکنے کے لئے اقدامات کون کرے گا؟

رہورٹ کے مطابق موبائل فون چھیننے کی وارداتوں میں رواں سال ریکارڈ اضافہ ہوا، دوہزار پندرہ میں سینتیس ہزار چار سو افراد کو ان کے موبائل فونز سے محروم کردیا گیا۔

رواں سال دوہزار ایک سات گاڑیاں چوری اور چھینی گئیں، بیس ہزار سات سو پچانوے موٹرسائیکل سوار اپنی موٹر سائیکلوں سے ہاتھ دھو بیٹھے۔

سوال یہ پیدا ہوتا ہے کہ جو لوگ لٹ گئے ان کے زخموں پر مرہم کون رکھے گا؟ کب شہریوں کو یہ سکون ہوگا کہ ان کی جان ومال اس شہر بے اماں میں محفوظ ہیں؟

رپورٹ شائع کرنے سے جرائم کم نہیں ہوتے۔ اس کے لئے اقدامات کرنا ہوتے ہیں۔ پولیس کا کام تو ہے ہی شہریوں کو تحفظ دینا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top