The news is by your side.

Advertisement

کراچی: رشوت نہ دینے پر پولیس اہلکار کی فائرنگ، بس ڈرائیور زخمی

کراچی کے علاقے عبداللہ کالج کے قریب مبینہ طور پر رشوت نہ دینے پر پولیس اہلکار کی فائرنگ سے بس ڈرائیور زخمی ہوگیا۔ فائرنگ میں ملوث 4 اہلکاروں کو حراست میں لے لیا گیا۔

کراچی کے علاقے عبداللہ کالج کے قریب پولیس اہلکار کی فائرنگ سے بس ڈرائیور زخمی ہوگیا۔ پولیس اہلکار نے مبینہ طور پر رشوت نہ دینے پر فائرنگ کی۔

زخمی ڈرائیور کو عباسی شہید اسپتال منتقل کر کے طبی امداد دی گئی۔ زخمی ڈرائیور کا کہنا تھا کہ پولیس اہلکار روزانہ پیسے مانگتا ہے۔ آج بس نہیں روکی تو اس نے فائرنگ کردی۔

دوسری جانب پولیس حکام کا کہنا ہے کہ واقعے میں ملوث چاروں اہلکاروں کو لاک اپ کر کے تحقیقات شروع کردی گئی ہیں۔

واقعے کے خلاف مشتعل ڈرائیوز نے احتجاج کرتے ہوئے سڑک بند کردی جس سے کچھ دیر کے لیے ٹریفک بھی معطل رہا۔ زخمی ڈرائیور کے اہلخانہ نے آئی جی سندھ سے اپیل کی ہے کہ انہیں انصاف دلایا جائے۔

Comments

comments

یہ بھی پڑھیں